Border News Agency
လယ်ဒို၊ မေ ၈။
ပဲခူးတိုင်း၊ လယ်ဒိုမြို့နယ်မှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားတဦးဒဏ်ရာရသွားတယ်လို့ ကရင်အမျိုးသားအစည်းအရုံးမှ မေလ ၈ရက်၊ ဒီနေ့ထုတ်ပြန်ပါတယ်။
အဲဒီလယ်ဒိုမြို့နယ်၊ နွားရေချောင်းကျေးရွာကို မေလ ၅ ရက်နေ့က အာဏာသိမ်းစစ်တပ်ဟာ ဘာဘူကုန်းမှနေပြီး ဒရုန်းနဲ့တိုက်ခိုက်ခဲ့တာလို့ ဆိုပါတယ်။
အဲဒီလိုတိုက်ခိုက်ခဲ့တာကြောင့် နွားရေချောင်းကျေးရွာမှ အသက် ၇၇နှစ်အရွယ် ဒေါ်မြင့်ဒဏ်ရာရသွားခဲ့ပြီး လူနေအိမ် နှစ်လုံးပျက်စီးခဲ့တယ်လို့ ဆိုပါတယ်။
အဲဒီအပြင် ခင်တန်းကျေးရွာကို ဒရုန်းနဲ့ထပ်မံတိုက်ခိုက်ခဲ့တာကြောင့် ခင်တန်းကျေးရွာဘုန်းကြီးကျောင်းထိမှန်ပျက်စီးခဲ့တယ်လို့ ဆိုပါတယ်။
အာဏာသိမ်းစစ်တပ်ဟာ အရပ်သားတွေနေထိုင်တဲ့နေရာ၊ အဆောက်အဦတွေကို ဒရုန်း၊တိုက်လေယာဉ်၊ လက်နက်ကြီးတွေနဲ့ ပစ်ခတ်တိုက်ခိုက်နေတာကြောင့် အရပ်သားတွေဟာစိုးရိမ်ကြောက်ရွံမှုတွေနဲ့ အသက်ရှင်နေထိုင်နေကြရတယ်လို့ဆိုပါတယ်။
