Border News Agency
အမေရိကန်၊မေ ၁၁။
အမေရိကန်၊ကာလီဖိုးနီးယားပြည်နယ်ရှိ မြန်မာလူမျိုးတွေကဒေါ်အောင်ဆန်းစုကြည် ကျန်းကျန်းမာမာနဲ့ သက်ရှိထင်ရှားရှိနေကြောင်း သက်သေပြပေးဖို့ (Proof of Life) ကို မေလ ၁၀ ရက်၊မနေ့ကစုပေါင်းတောင်းဆိုလိုက်ကြပါတယ်။
အဲဒီလှုပ်ရှားမှုကို Free Burma Action Committee – Northern California ရဲ့ ၂၇ ကြိမ်မြောက် ရန်ပုံငွေဈေးပွဲတော်မှာ ပြုလုပ်ခဲ့တာဖြစ်ပြီး အမေများနေ့မှာ အမေစုရဲ့ အခြေအနေကို သိခွင့်ရဖို့ အဓိက တောင်းဆိုခဲ့ကြတာပါ။
တိုက်ပွဲဝင်အင်အားစုတွေနဲ့ ကျောင်းသားလူငယ်တွေဟာ ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားအားလုံး လွတ်မြောက်ရေးအတွက် အပြာရောင်အကျီလှုပ်ရှားမှုကိုလည်း တပါတည်း ဆောင်ရွက်ခဲ့ကြပါတယ်။
အဲဒီအပြင် အာဏာသိမ်းစစ်တပ်နဲ့ ပူးပေါင်းဆောင်ရွက်တာမပြုဖို့ အမေရိကန်ကွန်ဂရက်ဆီ လက်မှတ်ရေးထိုးတောင်းဆိုတဲ့ လှုပ်ရှားမှုကိုလည်း ပြုလုပ်ခဲ့တယ်လို့ ထုတ်ပြန်ထားပါတယ်။
ဒေါ်အောင်ဆန်းစုကြည်နေအိမ်အကျယ်ချုပ်ပြောင်းလိုက်တယ်လို့ သတင်းတွေထွက်နေပေမယ့် လက်တွေ့မှာတော့ ကျန်းမာရေးအခြေအနေကို ဘယ်သူမှအတိအကျမသိရသေးတာကြောင့် အခုလို သက်ရှိထင်ရှားရှိကြောင်း သက်သေပြဖို့ဖိအားပေးတောင်းဆိုလာကြတာ ဖြစ်ပါတယ်။
