Border News Agency
တနင်္သာရီ၊ ဇွန် ၆။

တနင်္သာရီမြို့နယ်မှာ အာဏာသိမ်းစစ်တပ်မှ စစ်ကြောင်းထိုးဝင်ရောက်ပြီး နေအိမ်တွေကိုမီးရှို့ဖျက်ဆီးခဲ့တယ်လို့ KNUမှ ဇွန်လ ၅ရက်၊မနေ့က ထုတ်ပြန်ပါတယ်။

တနင်္သာရီမြို့နယ်၊တကောဖောလူ‌ကျေးရွာကို မေလ ၁၉ ရက်နေ့က မောတောင်မြို့အတွင်းတပ်စွဲထားတဲ့ အာဏာသိမ်းစစ်တပ်မှစစ်ကြောင်းထိုးဝင်ရောက်ပြီး နေအိမ်တွေနဲ့ ကျေးရွာပိုင်အဆောက်အဦးတွေမီးရှို့ဖျက်ဆီးခဲ့တယ်လို့ ဆိုပါတယ်။

အဲဒီလိုဝင်ရောက်မီးရှို့ဖျက်ဆီးခဲ့တာကြောင့် တကောဖောလူ‌ကျေးရွာမှ နေအိမ်၇လုံး၊ အထက်တန်းကျောင်းတကျောင်းနဲ့ ကျောင်းသူကျောင်းသားနေဘော်ဒါဆောင်တဆောင်ပျက်စီးသွားတယ်လို့ ဆိုပါတယ်။

အဲဒီအပြင် ခရစ်ယာန်ကျမ်းစာကျောင်းအဆောက်အဦးတလုံး၊ ခရစ်ယာန်သာသနာပိုင် ဝတ်ပြုဆုတောင်းခန်းတခန်း၊ ခရစ်ယာန်အသင်းတော်အိမ်တလုံးနဲ့ဘုရားကျောင်းခန်းမဆောင်တဆောင် ပျက်စီးသွားတယ်လို့ ဆိုပါတယ်။