Border News Agency
အီရန်၊ဇွန် ၁၄။
အီရန်နိုင်ငံရဲ့ အဓိပတိဖြစ်သူ အလီခါမေနီရဲ့ ဈာပနအခမ်းအနားကို လာမယ့် ဇူလိုင်လ ၄ ရက်နေ့မှာ တူဟရန်မြို့မှာ စတင်ပြုလုပ်သွားတော့မှာဖြစ်ပါနယ်။
အဲဒီအပြင် ဇူလိုင်လ ၉ ရက်နေ့မှာ သူ့ရဲ့ဇာတိမြို့ဖြစ်တဲ့ မက်ရှ်ဟတ်မြို့မှာ နောက်ဆုံးဂုဏ်ပြုပြီး ဂူသွင်းသဂြိုဟ်သွားမှာဖြစ်ပါတယ်။
ခါမေနီဟာ ပြီးခဲ့တဲ့ဖေဖော်ဝါရီလတုန်းက အမေရိကန်နဲ့ အစ္စရေးတို့ရဲ့ လေကြောင်းတိုက်ခိုက်မှုကြောင့် ကွယ်လွန်ခဲ့တာပါ။
ဒါပေမယ့် စစ်ပွဲအခြေအနေတွေကြောင့် ဈာပနကိုအခုအချိန်ထိ ရွှေ့ဆိုင်းထားခဲ့ရတာဖြစ်ပြီး ဈာပနကို တူဟရန်မှာ ၃ ရက်ကြာပြုလုပ်မှာဖြစ်သလို ဇူလိုင်လ ၇ရက်နေ့မှာလည်း ကွမ်းမြို့မှာ အခမ်းအနားတခုထပ်လုပ်မှာဖြစ်ပါတယ်။
ခါမေနီက ၁၉၈၉ ခုနှစ်ကတည်းက အီရန်ကိုဦးဆောင်ခဲ့တာဖြစ်ပြီး နိုင်ငံရဲ့စစ်ရေးနဲ့ ပါရာစစ်ရေးအင်အားတွေကို အဓိကတည်ဆောက်ခဲ့သူပါ။
အခုသူ့နေရာကို ဆက်ခံမယ့်သူကတော့ သူ့သားဖြစ်သူမိုဂျ်တာဘာခါမေနီပဲဖြစ်ပြီး စစ်ပွဲစတုန်းက သူကလူမြင်ကွင်းကနေပျောက်နေခဲ့ပေမယ့် အခုအပစ်အခတ်ရပ်စဲရေး ညှိနှိုင်းမှုတွေမှာတော့ ပိုပြီးတက်တက်ကြွကြွ ပါဝင်လာတာကိုတွေ့ရပါတယ်။
အခုချိန်မှာတော့ အမေရိကန်နဲ့ အီရန်တို့စစ်ပွဲကို အဆုံးသတ်ဖို့သဘောတူညီချက်ရဖို့ နီးစပ်နေပြီလို့ဆိုပေမယ့် လက်ဘနွန်ဘက်မှာတော့ တိုက်ပွဲတွေက ဆက်ဖြစ်နေတုန်းပဲမို့လို့ ဒေသတွင်းအခြေအနေကို ဆက်စပ်ပြီးစောင့်ကြည့်ရဦးမှာဖြစ်ပါတယ်။
