Border News Agency
မောင်တော၊ဇွန် ၁၇။
အာရက္ခပြည်သူ့တော်လှန်ရေးအစိုးရ၊နည်းပညာဌာနက ပြည်သူတွေအတွက် စတားလင့်(Starlink)အင်တာနက်ကိုစန စ်တကျနဲ့တရားဝင်သုံးစွဲနိုင်ဖို့ Class A၊ Class B နဲ့ Class C ဆိုပြီး လိုင်စင်အမျိုးအစားသုံးမျိုး ခွဲခြားသတ်မှတ်လိုက်ပါတယ်။
အဲဒီစနစ်က ပြည်သူတွေ အင်တာနက်ကို ပိုအဆင်ပြေချောမွေ့စွာသုံးစွဲနိုင်ဖို့ ရည်ရွယ်တာလို့လည်းဆိုပါတယ်။
”ကျနော်တို့ပုဂ္ဂလိက အိမ်သုံး စတားလင့်အင်တာနက်ကိုအခြေခံပြီးတော့ တရားဝင် သုံးစွဲခွင့်ရဖို့အတွက် Class A၊ Class B၊ Class C ဆိုပြီးတော့ လိုင်စင်အမျိုးအစားတွေနဲ့ စည်းစနစ်တကျ သုံးစွဲခွင့်ရဖို့အကောင်အထည်ဖော်နေတာ ဖြစ်ပါတယ်။” လို့ နည်းပညာဌာန တာဝန်ရှိသူတဦးက ပြောပါတယ်။
အဲဒီ Class A ဟာ ဌာနကတင်သွင်းတဲ့ စတားလိန့်ကို Router တလုံးနဲ့တွဲပြီး အလုံးလိုက်ငှားရမ်းပေးတဲ့ လိုင်စင်ဖြစ်ပြီး Class B ကတော့ ပြည်သူတွေဆီမှာ ရောက်ရှိနေပြီးသား စတားလင့်ပစ္စည်းတွေကို မှတ်ပုံတင်ပြီး တရားဝင် ပြန်လည်အသုံးပြုခွင့်ပေးတာဖြစ်သလို Class C ကတော့ ဖိုင်ဘာကြိုးတွေနဲ့ အိမ်အရောက် သွယ်တန်းပေးမယ့် အစီအစဉ်ဖြစ်ပါတယ်။
”Class A လိုင်စင်က စတားလင့်အလုံးလိုက်ငှားရမ်းတဲ့ လိုင်စင်ပါ။ ဌာနက တင်သွင်းထားတဲ့ စတားလိန့်ကို ပြည်သူဆီ ငှားရမ်းတာဖြစ်ပြီး အခြားသူတွေကို အခကြေးငွေယူပြီး စီးပွားဖြစ် ရောင်းချခွင့်တော့ မရှိပါဘူး၊” လို့ သူက ထပ်ရှင်းပြပါတယ်။
ခုလိုလိုင်စင်စနစ်တွေနဲ့စီမံဆောင်ရွက်ပေးတာဟာ အင်တာနက်အသုံးပြုမှုလုံ ခြုံရေးအတွက်ရော၊စနစ်တကျဖြစ်အောင်ထိန်းကျောင်းဖို့အတွက်ပါ အ ထောက်အကူပြုစေမယ်လို့ဆိုပါတယ်။
အဲဒါကြောင့် အသေးစိတ် လိုင်စင်လျှောက်ထားဖို့နဲ့ စည်းကမ်းချက်တွေကို သိရှိလိုရင်တော့ သက်ဆိုင်ရာ မြို့နယ်အုပ်ချုပ်ရေးနဲ့ နည်းပညာဌာနတွေမှာ စုံစမ်းနိုင်တယ်လို့ လည်းဆိုပါတယ်။
