Border News Agency
အမေရိကန်၊ဇွန် ၁၇။
ပြင်သစ်မှာကျင်းပတဲ့ G7 အစည်းအဝေးမှာ အမေရိကန်သမ္မတထရမ့်က အီရန်ကို နျူကလီးယားလက်နက် ဘယ်တော့မှ ပိုင်ဆိုင်ခွင့် မပေးဘူးလို့ တင်းတင်းမာမာ ပြောလိုက်ပါတယ်။
အစ္စရေးရဲ့တိုက်ခိုက်မှုတွေနဲ့ ပတ်သက်ပြီးတော့လည်း လူတယောက်ကို ရှာဖို့အတွက် တိုက်ခန်းတွဲတခုလုံးကို ဖြိုချပစ်စရာမလိုဘူး ဆိုပြီး ထရမ့်က ဝေဖန်ပြောဆိုသွားပါတယ်။
အမေရိကန်နဲ့ အီရန်တို့ကြား သဘောတူညီချက် ရရှိသွားပြီဖြစ်ပြီး ဒီသဘောတူညီချက်ကို ဒီတစ်ပတ်အတွင်း ဆွစ်ဇာလန်နိုင်ငံ ဂျီနီဗာမြို့မှာ တရားဝင် လက်မှတ်ရေးထိုးဖို့ စီစဉ်ထားပါတယ်။
ပါကစ္စတန်ဘက်ကလည်း အမေရိကန်နဲ့ အီရန်တို့ သဘောတူညီမှု ရသွားပြီလို့ အတည်ပြုပေးထားပေမယ့် အသေးစိတ် အချက်အလက်တွေကိုတော့ ထုတ်မပြောသေးပါဘူး။
နောက်ပြီး G7 အစည်းအဝေးမှာပဲ ဗြိတိန်ဝန်ကြီးချုပ် ကီယာ စတာမာကလည်း ရေနံသယ်ယူပို့ဆောင်ရေးအတွက် အရေးပါတဲ့ ဟော်မုဇ်ရေလက်ကြားကို ပြန်ဖွင့်နိုင်အောင် ဗြိတိန်က ကူညီပေးသွားမယ်လို့ ပြောကြားလိုက်ပါတယ်။
