Border News Agency
တရုတ်၊ ဇွန် ၁၇။
အာဏာသိမ်းစစ်ခေါင်းဆောင်နဲ့ တရုတ်သမ္မတ ရှီကျင့်ဖျင်တို့ ပေကျင်းမြို့မှာ ဇွန်လ ၁၆ ရက်နေ့ကတွေ့ဆုံခဲ့ပါတယ်။
တရုတ်သမ္မတက ကုလသမဂ္ဂလို နိုင်ငံတကာစင်မြင့်တွေမှာ မြန်မာနိုင်ငံရဲ့ရပ်တည်ချက်ကို တရုတ်အနေနဲ့ ဆက်လက်ထောက်ခံသွားမယ်လို့ ဆိုပါတယ်။
နှစ်နိုင်ငံကြား မဟာဗျူဟာမြောက်ယုံကြည်မှုကို ခိုင်မာအောင်လုပ်ဆောင်ဖို့နဲ့ ကမ္ဘာ့နိုင်ငံရေးအခြေအနေတွေကြားမှာ နှစ်ဖက်ပူးပေါင်းဆောင်ရွက်မှုတွေကို ဆက်လက်လုပ်ဆောင်သွားဖို့ကိုလည်း တရုတ်သမ္မတက ထည့်ပြောသွားပါတယ်။
အာဏာသိမ်းစစ်ခေါင်းဆောင်ကလည်း တရုတ်ရဲ့တနိုင်ငံတည်းမူဝါဒကို ထောက်ခံကြောင်းနဲ့ တရုတ်-မြန်မာ စီးပွားရေးစင်္ကြံ (CMEC) နဲ့ရပ်ဝန်း ပိုးလမ်းမ စီမံကိန်းတွေကိုလည်း အရှိန်မြှင့်ဆောင်ရွက်သွားမယ်လို့ဆိုပါတယ်။
ဒါ့အပြင် နယ်စပ်ဒေသက အွန်လိုင်းလိမ်လည်မှုတွေနဲ့ မူးယစ်ဆေးဝါး တိုက်ဖျက်ရေးကိုလည်း ပူးပေါင်းလုပ်ဆောင်သွားမယ်လို့ ဆိုပါတယ်။
သူတို့နှစ်ဦးဟာ နယ်စပ်ဒေသတည်ငြိမ်ရေး၊ စွမ်းအင်ကဏ္ဍ၊ အာကာသနည်းပညာနဲ့ ယဉ်ကျေးမှုဖလှယ်ရေးကိစ္စတွေကို ဆွေးနွေးခဲ့ကြတယ်လို့ ဆိုပါတယ်။
