​Border News Agency
မန္တလေး၊ဇွန် ၂၃။

​မန္တလေးတိုင်း၊တောင်သာမြို့နယ်မှာ ပြည်သူတဦးကို ဖမ်းဆီးပြီး ငွေကြေးခြိမ်းခြောက်တောင်းခံခဲ့တဲ့ ပြည်သူ့လွတ်မြောက်ရေးတပ်မတော်(PLA)အဖွဲ့ကို NUG လက်အောက်ခံ PDF တပ်ဖွဲ့က ဝင်ရောက်ထိန်းသိမ်းခဲ့ရာမှာ PDF ရဲဘော် ၄ ဦး ကျဆုံးခဲ့ရတယ်လို့ NUG စစ်ရုံးချုပ်က ဇွန်လ ၂၂ ရက်နေ့မှာ ထုတ်ပြန်ပါတယ်။

အဲဒီဝဲလောင်းရွာသားတဦးကို ပြီးခဲ့တဲ့ မေလ ၂၆ ရက်နေ့က PLA က ဖမ်းဆီးခေါ်ဆောင်သွားပြီး မိသားစုဆီကနေ သိန်း ၂,၀၀၀ တောင်းခံခဲ့တယ်လို့ဆိုပါတယ်။

NUG ဘက်က ပြန်လွှတ်ပေးဖို့ ညှိနှိုင်းခဲ့ပေမယ့် မရခဲ့ဘဲ ဇွန်လ ၂၂ ရက်နေ့မှာမှ ဖမ်းဆီးခံထားရသူကို ပြန်လွှတ်ပေးခဲ့တယ်လို့ဆိုပါတယ်။

ဒါပေမယ့် ပြန်လွှတ်ပေးတဲ့သူဟာ ရိုက်နှက်ခံထားရလို့ သတိလစ်နေတဲ့ အခြေအနေမှာ တွေ့ရှိခဲ့ရတလို့လည်းဆိုပါတယ်။

​အဲဒီနောက် PDF တပ်ဖွဲ့တွေက PLA စခန်းကို ဝင်ရောက်စစ်ဆေးရာမှာ စခန်းအတွင်း မိုင်းထောင်ထားခဲ့တဲ့အတွက် PDF ရဲဘော် ၄ ဦး ကျဆုံးပြီး တခြားရဲဘော်တွေလည်း ထိခိုက်ဒဏ်ရာ ရရှိခဲ့တာလို့ဆိုပါတယ်။

​PLA နဲ့ ပတ်သက်ပြီး ပြည်သူတွေဆီက တိုင်ကြားထားတဲ့ တခြားဖြစ်စဉ်တွေကိုလည်း NUG အနေနဲ့ ဆက်လက်စုံစမ်း အရေးယူသွားမယ်လို့ ဆိုပါတယ်။