Border News Agency
ဘင်္ဂလားဒေ့ရှ်၊ဇွန် ၂၃။
စိန့်မာတင်ကျွန်းအနောက်ဘက်ပင်လယ်ပြင်မှာ ဇွန်လ ၂၂ ရက်နေ့ကကမ်းခြေစောင့်တပ်ဖွဲ့က စစ်ဆေးမှုတွေပြုလုပ်ခဲ့ရာ မြန်မာနိုင်ငံဘက်က တရားမဝင်သယ်ဆောင်လာတဲ့ ပိုက်ကွန်တွေကို ဖမ်းဆီးရမိခဲ့တယ်လို့ ကမ်းခြေစောင့်တပ်ဖွဲ့က ထုတ်ပြန်ပါတယ်။
အဲဒီ ကမ်းခြေစောင့်တပ်ဖွဲ့က ဇွန်လ ၂၀ ရက် ညပိုင်းမှာ သံသယဖြစ်ဖွယ် စက်လှေတစီးကို ရပ်တန့်ဖို့အချက်ပြခဲ့ပေမယ့် မရပ်ဘဲ ထွက်ပြေးခဲ့တာကြောင့် လိုက်လံဖမ်းဆီးရာမှ ဖမ်းဆီးရမိခဲ့တာလို့ဆိုပါတယ်။
အဲဒီ စက်လှေကို ရှာဖွေစစ်ဆေးရာမှာ ဘင်္ဂလားဒေ့ရှ်ငွေ ၃၂၂.၅ သန်းကျော်တန်ဖိုးရှိတဲ့ တရားမဝင် ပိုက်ကွန် ၂,၁၅၀,၀၀၀ မီတာနဲ့အတူ တရားမဝင်ကုန်ကူးသူ ၆ ဦးကို ဖမ်းဆီးရမိခဲ့တယ်လို့ ဆိုပါတယ်။
အဲဒီ ဖမ်းဆီးရမိထားသူတွေနဲ့ သိမ်းဆည်းရမိတဲ့ ပစ္စည်းတွေကိုတော့ ဥပဒေအတိုင်း ဆက်လက်အရေးယူဖို့ ဆောင်ရွက်နေတယ်လို့လည်းဆိုပါတယ်။
