Border News Agency
လယ်ဒို၊ ဇွန် ၂၂။
ပဲခူးတိုင်းဒေသ၊လယ်ဒိုမြို့နယ်မှာ အာဏာသိမ်းစစ်တပ်ရဲ့ပြည်သူ့စစ်မှုထမ်း တပ်သား ၁၆ ဦး တော်လှန်ရေးတပ်တွေဆီအလင်းဝင်လာတယ်လို့ ကရင်အမျိုးသားအစည်းအရုံးမှ ဇွန်လ ၂၁ရက်၊ မနေ့က ထုတ်ပြန်ပါတယ်။
အဲဒီ လယ်ဒိုမြို့နယ်မှာ ဇွန်လ ၉ ရက်နေ့က ကော့သောင်းခလရ-၅၉၅တပ်ရင်းမှ ပြည်သူ့စစ်မှုထမ်းတပ်သား ၅ဦးဖြစ်တဲ့ အသက် ၁၈နှစ်အရွယ် မောင်ဝေယံ၊အသက် ၂၁နှစ်အရွယ် စအိုင်ခန့်၊ အသက် ၃၀နှစ်အရွယ် မောင်နေလင်းထွန်း၊အသက် ၂၃နှစ်အရွယ် မောင်ကောင်းမင်းသန့်နဲ့ အသက် ၁၈နှစ်အရွယ် မောင်သိန်းဇော်တို့ဖြစ်ကြပါတယ်။
အဲဒီအပြင် ဇွန်လ ၁၅ ရက်နေ့ကလည်း ပေါက်ခေါင်း ခမရ-၅၃တပ်ရင်းမှတပ်သား ၁၁ ဦးဖြစ်တဲ့ အသက် ၂၃နှစ်အရွယ် မောင်ရဲမင်းသူ၊ အသက်၄၁ နှစ်အရွယ်မောင်သိန်းဇော်၊ အသက် ၂၁ နှစ်အရွယ်အောင်သူရသွေး၊ အသက် ၃၀ နှစ်အရွယ် မောင်အောင်သိန်း၊ အသက် ၃၃ နှစ်အရွယ် ကျော်ကျော်နိူင်၊အသက်၂၁နှစ်အရွယ် အေးလင်းနောင်၊ အသက်၂၈ နှစ်အရွယ် ဇော်မျိုးပိုင်၊ အသက်၃၇ နှစ်အရွယ်သိန်းအောင်၊ အသက် ၂၈ နှစ်အရွယ်စည်သူ၊ အသက် ၃၅နှစ်အရွယ် ထွန်းထွန်းဦးနဲ့ အသက်၂၀ နှစ်အရွယ်ကျော်ကျော်မျိုးတို့ ဖြစ်ကြပါတယ်။
အဲဒီ အာဏာသိမ်းစစ်တပ်ရဲ့ပြည်သူ့စစ်မှုထမ်း တပ်သား ၁၆ဦးဟာ ကရင်အမျိုးသား ကာကွယ်ရေးတပ်မတော် (KNDO)တပ်ရင်း ၃ ဆီကို လက်နက်ချအလင်းဝင်လာကြတာပါ။
အလင်းဝင်တဲ့ပြည်သူ့စစ်မှုထမ်းတပ်သားတွေဟာ သူတို့ရဲ့ဆန္ဒမပါပဲ အတင်းအဓမ္မစစ်မှုထမ်းစေခိုင်းခံရကာ ရှေ့တန်းနယ်မြေတွေကို ပို့ဆောင်ခံရတဲ့တပ်သားတွေဖြစ်တယ်လို့ဆိုပါတယ်။
အာဏာသိမ်းစစ်တပ်ရှိ ဆန္ဒမပါပဲ အတင်းအဓမ္မစေခိုင်းခံရတဲ့တပ်သားတွေအနေနဲ့ နီးစပ်ရာတော်လှန်ရေးတပ်ဖွဲ့တွေဆီကို အလင်းဝင်ရောက်လာကြဖို့ ကေအဲန်ယူ-ကရင်အမျိုးသားအစည်းအရုံးမှတိုက်တွန်းအသိပေးထားပါတယ်။
