Border News Agency
ဆွစ်ဇာလန်၊ ဇွန် ၂၂။
ဆွစ်ဇာလန်နိုင်ငံမှာ ဇွန်လ ၂၁ ရက်က ပြုလုပ်တဲ့ အမေရိကန်နဲ့အီရန်တို့ရဲ့ အဆင့်မြင့်ငြိမ်းချမ်းရေးဆွေးနွေးပွဲဟာ အောင်မြင်မှုမရဘဲပျက်ပြားသွားခဲ့ပါတယ်။
CNN သတင်းဌာနရဲ့ဖော်ပြချက်အရ လက်ဘနွန်အခြေစိုက် ဟစ်ဇ်ဘိုလာအဖွဲ့ကို အီရန်ကထောက်ပံ့နေတာနဲ့ပတ်သက်ပြီး သမ္မတဒေါ်နယ်ထရမ့်က လူမှုကွန်ရက်ကနေတဆင့် ဗုံးကြဲတိုက်ခိုက်မယ်လို့ ခြိမ်းခြောက်ခဲ့တဲ့အတွက် ဘာဂန်စတော့ခ်စခန်းမှာ ကျင်းပနေတဲ့ ဆွေးနွေးပွဲကနေ အီရန်ကိုယ်စားလှယ်အဖွဲ့ ထွက်ခွာသွားခဲ့တာပါ။
အမေရိကန် ဒုသမ္မတ J.D. Vance နဲ့ အီရန်လွှတ်တော်ဥက္ကဋ္ဌ Mohammad Bagher Ghalibaf တို့ ဦးဆောင်တဲ့ ဒီဆွေးနွေးပွဲဟာ ဖေဖော်ဝါရီလကစတင်ခဲ့တဲ့စစ်ပွဲကို အဆုံးသတ်ဖို့ရည်ရွယ်ခဲ့တာဖြစ်ပါတယ်။
ဒါပေမယ့် ဇွန်လ ၁၈ ရက်ကရရှိထားတဲ့ သဘောတူညီချက်တွေအပေါ် အခုလို ထပ်မံတင်းမာမှုတွေဖြစ်ပေါ်လာတာပါ။
အီရန်ဘက်ကတော့ လက်ဘနွန်တောင်ပိုင်းမှာ အစ္စရေးရဲ့စစ်ဆင်ရေးတွေကို ဆန့်ကျင်တဲ့အနေနဲ့ ဟော်မုဇ်ရေလက်ကြားကို ပိတ်ပစ်လိုက်ပြီလို့ ဇွန်လ ၂၁ ရက်မှာ ကြေညာခဲ့ပါတယ်။
ဒါပေမယ့် အစ္စရေးကတော့ ဟစ်ဇ်ဘိုလာအဖွဲ့ရဲ့ပစ်ခတ်မှုတွေကို လက်တုံ့ပြန်တာလို့ တုံ့ပြန်ထားပါတယ်။
ဟော်မုဇ်ရေလက်ကြား အခြေအနေနဲ့ပတ်သက်ပြီး အရှေ့အလယ်ပိုင်းဆိုင်ရာ အမေရိကန်စစ်တပ်ကွပ်ကဲရေးဌာနကတော့ သင်္ဘောတွေဟာ ပုံမှန်အတိုင်း ဆက်လက်သွားလာနေဆဲဖြစ်ပြီး အီရန်အနေနဲ့ ရေလက်ကြားကို ထိန်းချုပ်ထားနိုင်တာမရှိဘူးငြင်းဆိုထားပါတယ်။
