Border News Agency
မကွေး၊သြဂုတ် ၁၂။
မကွေးတိုင်း၊ မင်းဘူးမြို့နယ်နဲ့ ရေနံချောင်းမြို့နယ်မှာ ဩဂုတ်လ ၁၂ ရက်၊ဒီနေ့ မနက်ကစလို့ ဧရာဝတီမြစ်ရေမြင့်တက်လာတာကြောင့် ရပ်ကွက်နဲ့ကျေးရွာအချို့ထဲ ရေဝင်ရောက်နေတယ်လို့ မြန်မာနိုင်ငံမီးသတ်တပ်ဖွဲ့ကထုတ်ပြန်ပါတယ်။
အဲဒီမင်းဘူးမြို့နယ်၊ အမှတ် ၁ ရပ်ကွက်နဲ့ ထုံးမကြီးကျေးရွာမှာ မြစ်ရေဝင်ရောက်ခဲ့လို့ မီးသတ်တပ်ဖွဲ့ဝင်တွေနဲ့ပရဟိတအဖွဲ့တွေက ရေဘေးသင့်ပြည်သူတွေကို ဘေးလွတ်ရာကူညီရွှေ့ပြောင်းပေးခဲ့ပါတယ်။
အဲဒီအပြင် ရေနံချောင်းမြို့နယ်၊ ညောင်လှရပ်ကွက်မှာလည်း မြစ်ရေဝင်ရောက်ခဲ့လို့ မြို့နယ်မီးသတ်စခန်းကတပ်ဖွဲ့ဝင်တွေက ကူညီကယ်ဆယ်ရေးတွေ သွားရောက်ဆောင်ရွက်ပေးခဲ့ပါတယ်။
အဲဒီနေရာတွေမှာ သက်ဆိုင်ရာမီးသတ်တပ်ဖွဲ့နဲ့ လူမှုကူညီရေးအဖွဲ့တွေက ရေဝင်ရောက်နေတဲ့နေရာတွေမှာ ကူညီကယ်ဆယ်ရေးလုပ်ငန်းတွေကို ဆက်လုပ်နေတယ်လို့ဆိုပါတယ်။
