Border News Agency
အမေရိကန်၊ စက်တင်ဘာ ၂၃။
ကုလသမဂ္ဂဆိုင်ရာမြန်မာကိုယ်စားပြုခွင့်ကို လက်ရှိအခြေအနေအတိုင်း ဆက်လက်ထားရှိပေးဖို့အပါအဝင် သံအမတ်ကြီး ဦးကျော်မိုးထွန်းရဲ့ကိုယ်စားပြုမှုကို ဆက်လက်အသိအမှတ်ပြုဖို့ အမျိုးသားဒီမိုကရေစီအဖွဲ့ချုပ်(NLD)က ကုလသမဂ္ဂ(UN)ဆီ စက်တင်ဘာလ ၂၃ ရက်၊ ဒီနေ့ တောင်းဆိုလိုက်ပါတယ်။
အမျိုးသားညီညွတ်ရေးအစိုးရဗဟိုအလုပ်ကော်မတီက (၈၁) ကြိမ်မြောက် ကုလသမဂ္ဂအထွေထွေညီလာခံ အရည်အချင်းစစ်ဆေးရေး ကော်မတီအဓိပ္ပာယ်ဖွင့် အိတ်ဖွင့်ပေးစာပေးပို့လိုက်တာပါ။
အဲဒီစာမှာ ဦးကျော်မိုးထွန်းရဲ့ ကိုယ်စားပြုမှုဟာဒီမိုကရေစီနည်းလမ်းကျပေါ်ပေါက်လာတဲ့ အစိုးရရဲ့ခန့်အပ်မှုဖြစ်ပြီး မြန်မာပြည်သူတွေရဲ့ဆန္ဒနဲ့ ဆက်စပ်နေတယ်လို့ ဖော်ပြထားပါတယ်။
အဲဒီအပြင် အာဏာသိမ်းစစ်တပ်ရဲ့ရွေးကောက်ပွဲလုပ်ငန်းစဉ်တွေမှာ အတိုက်အခံတွေပါဝင်ခွင့်မရတာ၊ နိုင်ငံရေးပါတီတွေ ဖျက်သိမ်းခံရတာနဲ့ လူ့အခွင့်အရေးချိုးဖောက်မှုတွေကိုလည်း ထည့်သွင်းထောက်ပြထားတာပါ။
ဦးကျော်မိုးထွန်းရဲ့ကိုယ်စားပြုမှုဟာ ပုဂ္ဂိုလ်တဦးတည်းရဲ့ ရာထူးတည်မြဲရေးမဟုတ်ဘဲ ဒီမိုကရေစီဆန္ဒနဲ့ ကုလသမဂ္ဂဆိုင်ရာ မှတ်တမ်းတွေကိုအခြေခံတဲ့ တရားဝင်မှုဖြစ်ကြောင်းလည်းဆိုပါတယ်။
ဒါကြောင့် မြန်မာနိုင်ငံရဲ့ကိုယ်စားပြုခွင့်နဲ့ပတ်သက်ပြီး ၂၀၂၀ ပြည့်နှစ် ရွေးကောက်ပွဲရလဒ်တွေ၊ စစ်အာဏာသိမ်းမှုဖြစ်စဉ်တွေနဲ့ ပြည်သူတွေရဲ့ ဒီမိုကရေစီဆန္ဒတွေကိုအခြေခံပြီး စဉ်းစားပေးဖို့ NLD က တောင်းဆိုထားပါတယ်။
