Border News Agency
အဥ္ဇနပူရ၊ အောက်တိုဘာ ၂၂။
အာရက္ခတတော်(AA)ထိန်းချုပ်ထားတဲ့ အဉ္ဇနပူရမြို့ပေါ်ကို အောက်တိုဘာလ ၂၂ ရက်၊ဒီနေ့ မနက်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီအဉ္ဇနပူရမြို့၊ မြို့သစ်ရပ်ကွက်ကို ဒီနေ့ မနက် ၁၂ နာရီကျော်အချိန်ခန့်က အာဏာသိမ်းစစ်တပ်လေကြောင်းတိုက်ခိုက်လို့ အမျိုးသမီးတဦးဒဏ်ရာရသွားခဲ့ပါတယ်။
မြို့သစ်ရပ်ကွက်၊ဘုရားတကာမှ ဦးယိုင်ထွန်းရဲ့ သမီးအသက်နှစ်ဆယ့်ကိုးနှစ်အရွယ် မသိန်းနုချေဟာ အောက်မေးစေ့မှာ ဗုံးစထိမှန်ဒဏ်ရာရသွားခဲ့တာပါ။
အဲဒီအဉ္ဇနပူရမြို့နယ်၊စွန်ရဲရွာကို ပြီးခဲ့တဲ့စက်တင်ဘာလ ၂၈ ရက်နေ့ကလည်း အာဏာသိမ်းစစ်တပ်လေကြောင်းတိုက်ခိုက်လို့ ကလေးနှစ်ဦး အပါအဝင် အရပ်သားရှစ် ဦးဒဏ်ရာရသွားခဲ့ပါတယ်။
အဲဒီစွန်ရဲရွာမှ အသက်လေးဆယ်သုံးနှစ်အရွယ်ဒေါ်မာမာအေး၊ အသက်ခုနှစ်ဆယ် အရွယ် ဦးမောင်ဦးဖြူ၊ အသက်နှစ်ဆယ့်နှစ်နှစ်အရွယ် မပြုံးပြုံး၊ အသက်နှစ်ဆယ့်ကိုးနှစ်အရွယ် မောင်အေးကျော်မိုး၊ အသက်နှစ်ဆယ့်ရှစ်နှစ်အရွယ် မောင်ကျော်ဝင်း၊ အသက်လေးဆယ်ငါးနှစ်အရွယ် မအေးဝင်းသိန်းနဲ့ တို့ဒဏ်ရာရသွားခဲ့ကြတာပါ။
အဲဒီအပြင် အသက်ဆယ့်သုံးနှစ်အရွယ် မောင်ဖြိုးဝေလင်း၊အသက်ဆယ့်ခြောက်နှစ်အရွယ် မောင်ဇော်မျိုးဦးလည်း ဒဏ်ရာရသွားခဲ့ကြပါတယ်။
စစ်တွေ- ပုဏ္ဏားကျွန်းမြို့နယ်အစပ်မှာ အာရက္ခတပ်တော်နဲ့ အာဏာသိမ်းစစ်တပ်လို့ စက်တင်ဘာလ ၄ ရက်နေ့ကစလို့ တိုက်ပွဲတွေပြင်းနေပါတယ်။
အဲဒါကြောင့် အာဏာသိမ်းစစ်တပ်ဟာ အာရက္ခတပ်တော်ထိန်းချုပ်ထားတဲ့မြို့တွေကို ခုရက်ပိုင်းတွေမှာ လေကြောင်း၊လက်နက်ကြီး တွေနဲ့ နေ့စဥ် ရွယ်ရည်ချက်ရှိရှိပစ်မှတ်ထား တိုက်ခိုက်နေတာကြောင့် အရပ်သားတွေ သေဆုံး၊ဒဏ်ရာရနေကြရပါတယ်။
