Border News Agency
ဟားခါး၊အောက်တိုဘာ ၃၀။
ချင်းပြည်၊ဟားခါးမြို့နယ်မှာ CDF–Hakha ထိန်းသိမ်းထားတဲ့ စစ်သုံ့ပန်းစခန်းကို အာဏာသိမ်းစစ်တပ် လေကြောင်းတိုက်ခိုက်ခဲ့တာကြောင့် စစ်သုံ့ပန်းဆယ်ဦးသေဆုံးသွားခဲ့ပါတယ်။
အဲဒီဟားခါးမြို့နယ်၊အရှေ့ခြမ်းရှိစစ်သုံ့ပန်းစခန်းကို အောက်တိုဘာလ ၂၈ ရက်၊ညပိုင်းမှာ အာဏာသိမ်းစစ်တပ်က မိတ္ထီလာ၊ တံတားဦးနဲ့ မကွေးလေတပ်စခန်းတို့မှ တိုက်လေယာဉ်ငါးစီးနဲ့ဆက်တိုက်တိုက်ခိုက်ခဲ့တာဖြစ်ပါတယ်။
အဲဒီလေကြောင်းတိုက်ခိုက်မှုကြောင့် စစ်သုံ့ပန်းဆယ်ဦးထက်မနည်းသေဆုံးကာ ငါးဦးထက်မနည်းပြင်းထန်စွာ ဒဏ်ရာရသွားခဲ့ပါတယ်။
အာဏာသိမ်းစစ်တပ်ဟာ ချင်းပြည်အတွင်း စစ်ရေးရှုံးနိမ့်မှုတွေနဲ့အတူ စစ်ဘေးရှောင်စခန်းတွေနဲ့ ထိန်းသိမ်းရေးစခန်းတွေကိုပစ်မှတ်ထားပြီး လေကြောင်းတိုက်ခိုက်မှုတွေဆက်တိုက်ပြုလုပ်နေပါတယ်။
