မြန်မာနိုင်ငံမှာ မတ်လ ၂၈ ရက်နေ့ကအင်အား ၇ ဒသမ ၇ အဆင့်ရှိအင်အားအလွန်ပြင်းထန်တဲ့ငလျင်ကြီးလှုပ်ခတ်ခဲ့ပြီးနောက် မန္တလေးက ငလျင်ဒဏ်သင့်ပြည်သူတွေ အကူအညီတွေလိုအပ်နေကြပါတယ်။
အဲဒီငလျင်ဒဏ်ကြောင့် မန္တလေးမြို့နေရာအများစု ပြိုပျက်သွားခဲ့သလို လူနေ အိမ်တွေ၊တိုက်တွေလည်း ပြိုပျက်သွားခဲ့တာမို့ ယာယီတဲတွေ လိုအပ်နေတာလို့ဆိုကြပါတယ်။
အဲဒီငလျင်ဒဏ်သင့်ပြည်သူတွေကို ယာယီတဲတွေ ကူညီပေးထားကြပေမယ့်မလုံလောက်ကြတာမို့ အဆင်ပြေသလိုနေထိုင်နေကြရသူတွေလည်းရှိတယ်လို့ဆိုကြပါတယ်။
အဲဒီငလျင်ကြီးဟာ မန္တလေးမြို့အရှေ့ မြောက်ဘက် ၁၂ မိုင်အကွာကို ဗဟိုပြုလှုပ်ခတ်ခဲ့ပြီးနောက် စစ်ကိုင်းတိုင်းဒေသကြီး၊မန္တလေးတိုင်းဒေသကြီးရှိ သမိုင်းဝင်ရှေးဟောင်းအဆောက်အအုံတွေလည်း ပြိုကျပျက်စီးသွားခဲ့ကြတာဖြစ်ပါတယ်။
အဲဒါကြောင့် မန္တလေးတိုင်း၊စစ်ကိုင်းတိုင်း၊မကွေးတိုင်း၊ပဲခူးတိုင်း၊ရှမ်းပြည်အရှေ့မြောက်ပိုင်းနဲ့ နေပြည်တော်ကောင်စီနယ်မြေတွေကို အာဏာသိမ်းစစ်ကောင်စီရဲ့အမျိုးသားဘာ၀ဘေးအန္တရာယ်ဆိုင်ရာစီမံခန့်ခွဲမှုကော်မတီမှ မတ်လ ၂၈ ရက်နေ့က အရေးပေါ်အခြေအနေကြေညာထားပါတယ်။
အဲဒီမန္တလေးမြို့ကို Border News Agency က သွားရောက်မေးမြန်းထားပါတယ်။
