Border News Agency
မြောက်ဦး၊ မေ ၂၄။
အာရက္ခတပ်တော်ထိန်းချုပ်နယ်မြေတွေမှာ မူးယစ်းဆေးဝါးတွေကို အလွယ်တကူဝယ်ယူရရှိနေကြတာမို့ မူးယစ်ဆေးဝါးသုံးစွဲသူတွေ ပိုများလာနေတ ယ်လို့ အာရက္ခပြည်သူတွေက အတည် ပြုပြောကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်က မြို့နယ်အများစုကို တိုက်ခိုက်သိမ်းပိုက်ပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေ ဖော်ဆောင်နေပါတယ်။
အဲဒီမြို့နယ်တွေမှာ “ဝိ” လို့ခေါ်တဲ့ ဆေး ခြောက်တွေ၊”WY” လို့ ခေါ်တဲ့ စိတ်ကြွရူး သွပ်မူးယစ်ဆေးဝါးတွေကို စျေးအနည်းငယ်နဲ့အလွယ်တကူဝယ်ယူရရှိနေတာမို့ သုံးစွဲသူတွေ ပိုများလာတယ်လို့အာရက္ခပြည်သူတွေက ဆိုကြပါတယ်။
အဲဒီလိုမူးယစ်ဆေးဝါးသုံးစွဲသူတွေထဲမှာ ဆယ်ကျောက်သက်အရွယ်ကျောင်း သားတွေ၊ လူငယ်တွေလည်း ပါဝင်နေတာမို့ လူ့သားအရင်းအမြစ်တွေ၊စွမ်း အင်အရင်းအမြစ်တွေ၊ဒေသအနာဂတ်တွေ ဆုံးရှုံးနစ်နာပျက်စီးနေကြတယ်လို့လည်း အာရက္ခပြည်သူတွေက ဆိုကြပါတယ်။
“မူးယစ်ဆေးဝါးတွေကို အရေးယူပေးစေချင်တယ်။ ငွေနည်းနည်းလေးနဲ့ဝယ် ယူရနေတော့ သုံးစွဲသူတွေလည်းများလာတယ်။ ကလေးတွေပျက်စီးနေတာကို မိဘတွေကမသိကြဘူး။ ထိထိရောက်ရောက်အရေးယူပေးဖို့တော့လိုအပ်နေတယ်။” လို့ အာရက္ခပြည်သူတဦးက Border News Agency ကို ပြောပါတယ်။
အဲဒီမူးယစ်ဆေးဝါးတွေဟာ မြန်မာနိုင် ငံအရှေ့ဖက်အစွန်ဆုံး၊ တရုတ်နယ်စပ်၊ ထိုင်းနယ်စပ်တွေကတဆင့်မြို့ပေါင်းစုံကို ဖြတ်သန်းပြီး မြန်မာနိုင်ငံအနောက်ဖက်အစွန်ဆုံး မောင်တောမြို့နယ်ထိရောက်ရှိပြန့်နှံ့နေတယ်လို့ အာရက္ခပြည်သူတွေက ဆိုကြပါတယ်။
အဲဒီမူးယစ်ဆေးဝါးတွေကို မောင်တောနယ်စပ်ကတဆင့် တဖက်ဘင်္ဂလားဒေ့ရှ်နိုင်ငံသို့ တရားမဝင်တင်ပို့ရောင်းချနေနေခဲ့ကြတာဖြစ်ပြီး အာရက္ခအဆုံးအဖြတ်စစ်ပွဲပြင်းထန်းနေချိန်မှာယာယီရပ်တန့်နေခဲ့တယ်လို့ အာရက္ခပြည်သူတွေက ဆိုကြပါတယ်။
အဲဒီမူးယစ်ဆေးဝါးတွေကို အစိုးရအ ရာရှိကြီးတွေ၊ဒေသအာဏာပိုင်တွေ၊လုံခြုံရေးဝန်ထမ်းတွေနဲ့ပူးပေါင်းပြီး မူးယစ်ဆေးဝါးကုန်သည်တွေက ခေတ်အဆက်ဆက်လုပ်စားလာကြတာဖြစ်ပြီးအဲဒီမူးယစ်ဆေးဝါးကုန်သည်တွေဟာ ခုလည်း အစိုးရအရာရှိကြီးတွေ၊ဒေသအာဏာပိုင်တွေ၊လုံခြုံရေးဝန်ထမ်းတွေနဲ့ပူးပေါင်းပြီး သယ်ယူရောင်းချလုပ် စားနေကြတယ်လို့ အာရက္ခပြည်သူတွေက အတည်ပြုပြောကြပါတယ်။
အဲဒါကြောင့် အာရက္ခတပ်တော်ခေါင်းဆောင်တွေက မူးယစ်ကုန်သည်အား လုံးအပါအဝင် ပါဝင်ပတ်သတ်နေသူအားလုံးကို သေချာဖော်ထုတ်အရေးယူပေးဖို့လိုအပ်နေသလို အာရက္ခပြည်သူ့တော်လှန်ရေးအစိုးရမှာလည်း မူးယ စ်ဆေးဝါးကာကွယ်တိုက်ဖျက်ရေးဥပ ဒေတွေ၊မူဝါဒတွေ ထုတ်ပြန်ပေးဖို့ လိုအပ်နေပြီလို့ အာရက္ခပြည်သူတွေက ဆိုကြပါတယ်။
“ဒီကာလမှာ လူတိုင်းက စိတ်အဆင်မပြေကြဘူး။အဲဒါကိုအကြောင်းပြပြီး မူးယစ်ဆေးဝါးသုံးတာက မဖြစ်သင့်ဘူးလို့မြင်တယ်။မူးယစ်ဆေးကြောင့် ရာဇဝတ်မှုတွေဖြစ်တယ်။ လူငယ်တွေအတွက် ရင်လေးစရာပါ။ အေအေအနေနဲ့စစ်ရေးနဲ့ပြည်သူ့လုံခြုံရေးကိစ္စတွေမှာ ဦးစားပေးနေပေမယ့် မူးယစ်ဆေးဝါးဘက်ကိုလည်း ထိထိရောက်ရောက်အရေးယူဆောင်ရွက်ဖို့ လိုအပ်နေပြီလို့မြင်တယ်။” လို့ မြောက်ဦးမြို့ခံတဦးက Border News Agency ကို ပြောပါတယ်။
”ပြည်သူ့လုံခြုံရေးကိစ္စရပ်တွေကို ဦး စားပေးဆောင်ရွက်နေရတဲ့အတွက် မူး ယစ်ဆေးဝါးကိစ္စတွေကိုဖြေရှင်းဖို့ အချိန်တခုလိုသေးတယ်” လို့ ပြီးခဲ့တဲ့ ၂၀၂ ၂ခုနှစ်၊မတ်လ ၅ရက်နေ့က ပြုလုပ်ခဲ့တဲ့ အာရက္ခတပ်တော်ရဲ့သတင်းစာရှင်း လင်းပွဲမှာ ပြောရေးဆိုခွင့်ရှိသူခိုင်သုခက ပြောဆိုခဲ့ပါတယ်။
အဲဒါကြောင့် နယ်မြေအားလုံးနီးပါးကိုသိမ်းပိုက်ထိန်းချုပ်ထားပြီး တော်လှန် ရေးအစိုးရအဖြစ်ဖော်ဆောင်နေချိန်မှာနိုင်ငံတကာအသိုင်းက လက်မခံတဲ့မူးယစ်းဆေးဝါးပြဿနာတွေကို နိုင်ငံတ ကာအသိုင်းအဝိုင်းနဲ့လက်တွဲကာ ကာကွယ်တိုက်ဖျက်ရေးတွေ ဆောင်ရွက်သင့်တယ်လို့ နိုင်ငံတကာအသိုင်းအ ဝိုင်းက အကြံပြုကြပါတယ်။
အာရက္ခတပ်တော်ထိန်းချုပ်နယ်မြေတွေမှာ မူးယစ်းဆေးဝါးသယ်ယူရောင်းဝယ်နေကြသူတချို့စာရင်းအပါအဝင် အခွန်သဘောမျိုးငွေကြေးကောက်ခံရ ယူနေကြသူတချို့စာရင်းကို အာရက္ခပြည်သူလူထုရဲ့အသိပေးအတည်ပြုချ က်တွေကို စီစစ်ပြီး Border News Agency က လက်ခံရရှိထားပါတယ်။
အဲဒီအထဲမှ မူးယစ်းဆေးဝါးသယ်ယူရောင်းဝယ်နေကြသူတချို့ကတော့ ဒေသတွင်းဖြန့်ဝေရောင်းချခွင့်မပြုဆိုတာကို သဘောတူလက်ခံထားကြရမယ်ဆိုတာကြောင့် အလွယ်တကူဝယ်ယူရရှိနေကြတာဟာ အစိုးရအရာရှိကြီးတွေ၊ဒေ သအာဏာပိုင်တွေ၊လုံခြုံရေးဝန်ထမ်းတွေအပေါ်မူတည်မယ်လို့ Border News Agency ကို တုံ့ပြန်ပြောဆိုထားကြပါတယ်။
အာရက္ခအဆုံးအဖြတ်စစ်ပွဲစတင်တဲ့နေကစပြီး အာဏာသိမ်းစစ်တပ်ဟာ အာရက္ခဒေသတခုလုံးရှိ ကုန်းလမ်း၊ ရေလမ်းအားလုံးအပါအဝင် ကုန်စည်စီးဆင်းမှုအားလုံးကိုလည်း ခုချိန်ထိပိတ်ဆို့တားမြစ်ထားပေမယ့် မူးယစ်ဆေးဝါးတွေဟာ တဖက်ဘင်္ဂလားဒေ့ရှ်နိုင်ငံထိ ပုံမှန်စီးဆင်းနေတုန်းပဲလို့ အာရက္ခပြည်သူတွေက ဆိုကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင်တဆယ့်ငါးမြို့နယ်ကို အပြီးသတ်သိမ်းပိုက်ထိန်းချုပ်ထားပြီး အာရက္ခပြည်သူတော်လှန်ရေးအစိုးရအဖြစ် အုပ်ချုပ်ရေးယန္တရားတွေ ဖော်ဆောင်နေပါတယ်။
အဲဒီအပြင်အာရက္ခ-မကွေးနယ်ခြား၊ အာရက္ခ-ပဲခူးနယ်ခြား၊ အာရက္ခ-ဧရာဝတီနယ်ခြားကို အပြီးသတ်တိုက်ခိုက်သိမ်း ပိုက်ထိန်းချုပ်ထားသလို အာရက္ခ- အိန္ဒိ ယနယ်စပ်၊အာရက္ခ-ဘင်္ဂလာနယ်စပ်ကိုလည်း အာရက္ခတပ်တော်က အပြီးသတ်ထိန်းချုပ်ထားပါတယ်။
