Border News Agency
ကျောက်တော်၊ ဇူလိုင် ၁၄။
အာရက္ခဒေသက စစ်ဘေးရှောင်တွေဟာ မိုးတွင်းကာလ စားဝတ်နေရေးအတွက်အကူအညီတွေ လိုအပ်နေကြတယ်လို့ စစ်ဘေးရှောင်တွေက ဆိုကြပါတယ်။
စစ်ဘေးရှောင်တွေဟာ မိုးတွင်းကာလဖြစ်တာမို့ မိုးသည်းထန်စွာရွာသွန်းတဲ့နေ့တွေမှာ အမိုးအကာမလုံတာ၊နေရာ ထိုင်ခင်းမရှိတာ၊ရေပြည့်ရေလျံတာစတဲ့အခက်အခဲတွေရှိနေကြတယ်လို့ စစ်ဘေးရှောင်တွေက ဆိုကြပါတယ်။
အဲဒါကြောင့်တာပေါ်လင်တွေ၊ နေရာထိုင်ခင်းတွေ အကူအညီတွေ လိုအပ်နေတယ်လို့ စစ်ဘေးရှောင်တွေက ဆိုကြပါတယ်။
“စစ်ဘေးရှောင်တယောက်အနေနဲ့လုံးဝစိတ်ကုန်သွားပါတယ်။ စားရသောက်ရတာက အဆင်မပြေပါ။ကလေးငယ်တွေဆို အဟာရတောင်မဖြစ်ပါဘူး။ ကျန်းမာရေးကတမျိုးပါ။ တခါတလေဆိုကိုယ့်ဟာကိုယ်သတ်သေချင်စိတ်တောင်ပေါက်မိပါတယ်။ အရမ်းကိုအခက်အခဲကျပါတယ်။” လို့ ပုဏ္ဏားကျွန်းမြို့နယ်မှစစ်ဘေးရှောင်တဦးက Border News Agency ကို ပြောပါတယ်။
အဲဒီစစ်ဘေးရှောင်တွေဟာ အလုပ်အ ကိုင်ရှားပါးပြီး ပုံမှန်ဝင်ငွေရမယ့်အလုပ်အကိုင်မရှိကြတာမို့ စားဝတ်နေရေးအခက်အခဲတွေ ပိုမိုကြုံတွေ့နေကြရတယ်လို့ ဆိုကြပါတယ်။
အဲဒါကြောင့် စစ်ဘေးရှောင်တွေဟာ ဆိ ပ်ကမ်းတွေမှာ ကုန်တင်ကုန်ချလုပ်ကိုင်နေကြပေမယ့် တနေ့ဝင်ငွေကျပ်တသောင်းခန့်သာရတာမို့ အဆင်ပြေသလိုရပ်တည်နေကြရတယ်လို့ ဆိုကြပါတယ်။
အဲဒီအပြင် တောတောင်တွေမှာ ရာသီပေါ်ဟင်းသီးဟင်းရွက်တွေသွားရှာစားသောက်နေကြရပေမယ့် ဒေသမကျွမ်းကျင်တာ၊ မြေမြုပ်မိုင်းတွေ၊ စစ်လက်ကျန်ပစ္စည်းတွေရဲ့အန္တရာယ်ကိုလည်း စိုးရိမ်နေကြရတယ်လို့ စစ်ဘေးရှောင်တွေက ဆိုကြပါတယ်။
“မိုးရာသီကအလုပ်မရှိပါဘူး။ ဆိပ်ကမ်းတွေမှာကုန်ချပါတယ်။ အနီးအနားကတောတောင်တွေမှာထင်းခွေ၊ဟင်းခူးသွားပါတယ်။ ရတာကိုရောင်းပါတယ်။ ခုနေရတဲ့ဒေသက ကိုယ့်ဒေသမဟုတ်တော့ အခက်အခဲတွေကများပါတယ်။ တနေ့ရတဲ့ငါးထောင်၊တသောင်းအဲဒီငွေတွေကိုစားဖို့၊ ဆေးဖို့မျှပြီးသုံးနေရပါတယ်။” လို့ ဝါးတောင်စစ်ဘေးရှောင်စခန်းမှ စစ်ဘေးရှောင်တဦးက Border News Agency ကို ပြောပါတယ်။
အဲဒီစစ်ဘေးရှောင်တွေဟာ နိုင်ငံတကာလူသားချင်းစာနာထောက်ထားမှုဆိုင်ရာအကူအညီတွေကို မရကြတာမို့ စားဝတ်နေရေးအခက်အခဲတွေ ပိုမိုကြုံ တွေ့နေကြရတယ်လို့ ဆိုကြပါတယ်။
အာရက္ခတပ်တော်ထိန်းချုပ်နယ်မြေတွေမှာ စစ်ဘေးရှောင်ခြောက်သိန်းကျော်ရှိနေတယ်လို့ လူသားချင်းစာနာထောက်ထားရေးနဲ့ဖွံ့ဖြိုးရေးဆိုင်ရာ ပူးပေါင်းဆောင်ရွက်ရေးရုံး(HDCO)က ဆိုပါတယ်။
အဲဒီစစ်ဘေးရှောင်တွေဟာ နိုင်ငံတကာ လူသားချင်းစာနာထောက်ထားမှုဆိုင်ရာအကူအညီတွေလိုအပ်နေကြသလို အသက်ရှင်ရပ်တည်ရေးအတွက် အလုပ်အကိုင်အခွင့်အလမ်းတွေလည်း လိုအပ်နေကြတယ်လို့ စစ်ဘေးရှောင်တွေက ဆိုကြပါတယ်။
