မောင်တူရေးသည်။

ဆိုရှယ်ဒီမိုကရေစီ၏သဘောမိတ်ဆက်တွင်

၁။ နိဒါန်း။

၂။ ဆိုရှယ်ဒီမိုကရေစီနှင့်လက်ဝဲ၊လက် ယာအယူဝါဒ။

၃။ ဆိုရှယ်ဒီမိုကရေစီတွင်ပါဝင်နေသောအချက်အချို့။

• က – ပါဝင်ပတ်သက်ခွင့်ရဒီမိုကရေစီ (Participatory democracy)
• ခ – ကန့်သတ်ပိတ်ပင်ခွင့်ရဒီမိုကရေစီ(
  Deliberative democracy)
• ဂ – အကြံပြုဒီမိုကရေစီ (Consultative democracy)
• ဃ – သိမ်းပိုက်လှုပ်ရားမှု (The Occupy Movement)
• င – စျေးကွက်အားအစိုးရမှဝင်ရောက်စွက်ဖက်ခြင်း (Market Intervention)
• စ – စီးပွားရေးအရဝင်ရောက်စွက်ဖက်ခြင်း (Economic Intervention)

၄။ ဆိုရှယ်ဒီမိုကရေစီနှင့်ဖွဲ့စည်းပုံအခြေ ခံဥပဒေဆိုင်ရာအခွင့်အရေးနှင့်ထောက် ပံ့အတည်ပြုခံရသောအခွင့်အရေး (Constitutional Rights and Affirmative Rights)စသည့် အချက်များကို အနည်းအကျဉ်းမိတ်ဆက်ဖေါ်ပြထားပေသည်။

၁။ ဆိုရှယ်ဒီမိုကရေစီ(Social Democracy)

နိဒါန်း

ဆိုရှယ်ဒီမိုကရေစီစနစ်သည် နိုင်ငံရေးဒီမိုကရေစီ၊စီးပွားရေးဒီမိုကရေစီ၊တ ဖြေးဖြေးပြုပြင်ပြောင်းလဲရေး (grad ualist)၊ ပြန်လည်ပြုပြင်တည်ဆောက်ရေး (reformist) နှင့် ဒီမိုကရေစီစံတန်းဖိုးများကို ဦးတည်သောအကန်အသတ်ရှိ ဆိုရှယ်လစ်စနစ်ဘောင် (limited Socialism) ထဲမှလူမှုရေး၊စီးပွားရေး၊ နိုင်ငံရေးဆိုင်ရာအတွေးအခေါ်ဖြစ်ပေသည်။

ဆိုရှယ်ဒီမိုကရေစီအား လက်ရှိခေတ်ကာလ ကျင့်သုံးမှုတွင် အရင်းရှင်စနစ် စီးပွားရေးပုံစံ ကျင့်သုံးကြပေသည်။

အရှင်းရှင်စနစ်စီးပွားရေးကျင့်သုံးသော ဆိုရှယ်ဒီမိုကရေစီတွင် အလုပ်သမားများ ပါဝင်၍ရင်းနှီးမြုပ်နှံမှုရှိသောအရှင်းရှင်စနစ် (Welfare Capitalism) ၊စီးပွားရေးနယ်ပါယ်တွင် အစိုးရမှဝင်ရော က်မှု (Economic Intervention)၊ အချို့တဝက် ပြည်သူပိုင်စနစ်(Partial Public ownership)၊လူမှုစီးပွားရေးအား နိုင်ငံမှ ထောက်ပံမှု(Welfare State)၊လူတန်း စားညီမျှရေးမူဝါဒ (Social Equality)၊ လုံလောက်သော ဝင်ငွေရရှိမှု (Equitable Distribution of Income) ပါဝင်ပေသည်။

ဆိုရှယ်ဒီမိုကရေစီတွင်ကိုယ်စားပြုဒီမိုကရေစီ (Representative Democracy) နှင့်တိုက်ရိုက်ပါဝင်ပတ်သက်ခွင့်ဒီမိုကရေစီ (Participatory Democracy) ကိုကျင့်သုံးကြပေသည်။

ကိုယ်စားပြုဒီမိုကရေစီကိုသာမက လူထုမှတိုက်ရိုက်ပါဝင်ပတ်သက်ခွင့်ရှိသောဒီမိုကရေစီကို ကျင့်သုံးရခြင်းမှာ မညီမျှမှုကို ချေဖျက်ရန်၊ အရေးပေးမခံရသောအုပ်စုများကို ဖိနှိပ်ခံရမှုမှချေဖျက်ရန်၊ ပိုင်ဆိုင်မှုဆုံးရှုံးသူများ၏အခွင့်အရေးကို မပျောက်ဆုံးရန် ဖြစ်ပေသည်။

ထို့ပြင် လူမှုရေးရာဝန်ဆောင်မှုများ ဖြစ်သောကလေးသူငယ်စောင့်ရှောက်ရေး၊ သက်ကြီးရွယ်အို စောင့်ရှောက်ရေး၊ ကျန်းမာရေးစောင့်ရှောက်ရေး၊ ပညာရေးနှင့်အလုပ်သမားများအတွက် နစ်နာကြေးဆိုင်ရာကိစ္စရပ်များတွင် တိုက်ရိုက်ပါဝင်ပတ်သက်ခွင့်ရရန်အတွက် တိုက်ရိုက်ဒီမိုကရေစီကိုပါကိုယ်စားပြုဒီမိုကရေစီနှင့် ရောစပ်ကျင့်သုံးခြင်းဖြစ်ပေသည်။

စီးပွားရေးအရဆိုရှယ်ဒီမိုကရေစီသည် ဝင်ငွေကို ထပ်မံဖြန့်ဖြူးပေးခြင်း (Income Redistribution)၊ ပြည်သူ့အကျိုးစီးပွားဆိုင်ရာကိစ္စများတွင် စီးပွားရေးပုံမှန် လည်ပတ်မောင်းနှင်နိုင်ရန် အားထုတ်ခြင်းကိုပါ ဆောင်ရွက်သည်။

ဆိုရှယ်ဒီမိုကရေစီသည် အလုပ်သမားအဖွဲ့အစည်းများ၊ ကုန်သွယ်ရေးအဖွဲ့အစည်းများနှင့်ခိုင်မာရှည်လျားလှသော ဆက်စပ်မှုရှိပေသည်။

ပိုမိုကြီးမားဖွံ့ဖြိုးသော ဒီမိုကရေစီကျသည့် ဆုံးဖြတ်ချက်များကို ပူးတွဲဆုံးဖြ တ်ခြင်း (Co – determination) အပါအဝင်၊ အလုပ်သမားများ၏အခွင့်အရေးများအတွက်လည်းကောင်း၊ အလုပ်ရှင်များ၏ပိုင်ဆိုင်မှုပိုများလာစေရန်လ ည်းကောင်း၊ အခြားအကျိုးစီးပွားပါဝင်ပတ်သက်သူများနှင့်လည်းကောင်း စသည့်အချက်များကို စီးပွားရေးရပ်ဝန်းထဲတွင် ဖြစ်ထွန်းလာစေရန် ပံပိုးကူညီပေးသည်။

ဆက်လက်ဖော်ပြပါမည်။