Border News Agency
ထိုင်း၊နိုဝင်ဘာ ၁၄။
ထိုင်းနိုင်ငံအရှေ့မြောက်ပိုင်းရှိ မဲခေါင်မြစ်အတွင်း ပုံမှန်မဟုတ်တဲ့အဖုအပိမ့်တွေထွက်ပြီး ဗီဇဖောက်ပြန်နေတဲ့ငါးတွေကို ဖမ်းဆီးရမိခဲ့ရာ နယ်စပ်ဖြတ်ကျော်သတ္တုတွင်းညစ်
ညမ်းမှုဟာ မြစ်အောက်ပိုင်းအထိပျံ့နှံ့လာကြောင်း ပညာရှင်တွေကထောက်ပြထားပါတယ်။
ပြီးခဲ့တဲ့မဲခေါင်မြစ်အထက်ပိုင်း ကီလိုမီတာငါးရာအကွာမှာရှိတဲ့ ချင်းရိုင်ခရိုင်အတွင်း ခုလိုငါးတွေကိုတွေ့ရှိခဲ့ရာမှ ခုအခါမြစ်အောက်ပိုင်းကီလိုမီတာနှစ်ရာအကွာရှိ နောင်ခိုင်ခရိုင်မှာပါ ထပ်မံတွေ့ရှိလာတာဖြစ်ပါတယ်။
နရဲစွမ်တက္ကသိုလ်ရဲ့ ဓာတ်ခွဲစမ်းသပ်မှုတွေအရ အဲဒီငါးတွေမှာ ခဲ၊ ပြဒါး၊ ကဒ်မီယမ်နဲ့ မန်းဂနိစ် စတဲ့ သတ္တုဓာတ်တွေ မြင့်မားစွာပါဝင်နေပြီး ငါးတွေရဲ့ DNA ပျက်စီးကာ ပုံပန်းသ
ဏ္ဌာန်ပျက်ယွင်းနေတာကြောင့် စားသုံးဖို့ဘေးကင်းလုံခြုံမှု ရှိမရှိပြောဖို့ စောလွန်းသေးကြောင်း ပညာရှင်တွေကသတိပေးထားပါတယ်။
တလကို ငါးဖမ်းဆီးမှုမှ ထိုင်းဘတ်ငွေငါးသိန်းထိဝင်ငွေရရှိနေတဲ့ ဒေသခံတံငါသည်တွေအနေနဲ့လည်း ညစ်ညမ်းမှုကြောင့် ငါးရောင်းချမရဖြစ်ကာ စားဝတ်နေရေးထိခိုက်လာမှာကို စိုးရိမ်ပူပန်နေကြတာပါ။
ဒီပြဿနာဟာ မြန်မာနိုင်ငံတွင်းက စည်းကမ်းမဲ့တရုတ်သတ္တုတွင်း လုပ်ငန်းတွေကြောင့်ဖြစ်ရတာလို့ ပညာရှင်တွေကထောက်ပြထားပြီး ထိုင်းအစိုးရအနေနဲ့ မြန်မာ၊ လာအို၊ တ
ရုတ်နဲ့ တိုင်းရင်းသားလက်နက်ကိုင်အဖွဲ့အစည်းတွေနဲ့ အရေးပေါ် ဆွေးနွေးညှိနှိုင်းကာ သတ္တုတွင်းလုပ်ငန်းတွေကို ရပ်တန့်ဖို့တောင်းဆိုနေကြပါတယ်။
