Border News Agency
လယ်ဒို၊ အောက်တိုဘာ ၁၇။
စစ်ကော်မရှင်တပ်ဖွဲ့ဝင်ခုနှစ်ဦးဟာကရင်အမျိုးသားလွတ်မြောက်ရေးတပ်မတော်(KNLA)ဆီအလင်းဝင်လာတယ်လို့ ကရင်အမျိုးသားအစည်းအရုံးမှ အောက်တိုဘာလ ၁၇ ရက်၊ ဒီနေ့ထုတ်ပြန်ပါတယ်။
လယ်ဒိုမြို့နယ်ရှိကရင်အမျိုးသားလွတ်မြောက်ရေးတပ်မတော်တပ်ရင်း ၉ သို့ စစ်ကော်မရှင်တပ်ရဲ့အမှတ် ၇၅ ခြေလျင်တပ်ရင်းမှ ပြည်သူ့စစ်မှုထမ်းတပ်သားခုနှစ်ဦးဟာအောက်တိုဘာလ ၁၅ ရက်နေ့က အလင်းဝင်လာတယ်လို့ ဆိုပါတယ်။
အဲဒီအသက်နှစ်ဆယ်အရွယ်စည်သူဟိန်း၊အသက်နှစ်ဆယ်နှစ်အရွယ်ကျော်ဇေယျ၊ အသက်နှစ်ဆယ်လေးနှစ်အရွယ်ရာဇာထက်၊ အသက်နှစ်ဆယ်ခြောက်နှစ်အရွယ်မောင်မှောက်၊ အသက်နှစ်ဆယ်ခုနှစ်နှစ်အရွယ်သီဟနိုင်၊ အသက်သုံးဆယ်သုံးနှစ်အရွယ်သန်းနိုင်ဦး၊ အသက်သုံးဆယ်ခြောက်နှစ်အရွယ်အောင်မျိုးဦးကို အလင်းဝင်လာကြတယ်လို့ဆိုပါတယ်။
သူတို့ခုနှစ်ဦးဟာ စစ်ကော်မရှင်တပ်ရဲ့ပြည်သူ့စစ်မှုထမ်းအပတ်စဉ် ၇၊ ၁၀နဲ့ ၁၃ မှသင်တန်းသားတွေဖြစ်ကြပြီး သန်းနိုင်ဦးနနဲ့ရာဇာထက်နှစ်ဦးမှာ ရောင်းစားခံရပြီး ပြည်သူ့စစ်မှုထမ်းသင်တန်းကို ရောက်လာခဲ့ကြတယ်လို့ဆိုပါတယ်။
အလင်းဝင်လာချိန် အခက်အခဲတွေကြောင့် လက်နက်တွေမပါလာပေမယ့် လယ်ဒိုမြို့နယ်တာဝန်ရှိသူတွေမှနေရာ ထိုင်ခင်း၊ အသားအစာနဲ့ အဝတ်အစားတွေထောက်ပံ့ပေးထားပြီးကောင်းမွန်စွာထိန်းသိမ်းစောင့်ရှောက်ထားတယ်လို့လည်းဆိုပါတယ်။
စစ်ကော်မရှင်တပ်ဆီ အကြောင်းအမျိုးမျိုးကြောင့် မတရားစစ်မှုထမ်းစေခိုင်းခံနေရသူတွေအနေနဲ့ KNLA နဲ့နီးစပ်တဲ့တော်လှန်ရေးတပ်ဖွဲ့တွေဆီ အလင်းဝင်နိုင်တယ်လို့လည်း အသိပေးထားပါတယ်။
