Border News Agency
နေပြည်တော်၊ အောက်တိုဘာ ၂၃။
အမျိုးသားဒီမိုကရေစီအဖွဲ့ချုပ်(NLD)အစိုးရရဲ့ နိုင်ငံတော်အတိုင်ပင်ခံပုဂ္ဂိုလ် ကိုယ်ဒေါ်အောင်ဆန်းစုကြည်၊ နိုင်ငံတော်သမ္မတဦးဝင်းမြင့်အပါအဝင် လွှတ်တော်ကိုယ်စားလှယ်တွေ၊ နိုင်ငံရေးအကျဉ်းသားအားလုံးအတွက် နိုင်ငံတကာကို အမျိုးသားညီညွတ်ရေးအစိုးရ(NUG)တောင်းဆိုလိုက်ပါတယ်။
နိုင်ငံတကာပါလီမန်များ(IPU) ၁၅၁ ကြိမ်မြောက်ညီလာခံမှာ အမျိုးသားညီညွတ်ရေးအစိုးရရဲ့ နိုင်ငံခြားရေးဝန်ကြီး ဒေါ်ဇင်မာအောင်က တောင်းဆိုလိုက်တာပါ။
“အကျပ်အတည်းကာလတွေမှာ လူသားချင်းစာနာထောက်ထားမှုဆိုင်ရာ စံနှုန်းတွေကိုမြှင့်တင်တာနဲ့ လူသားချင်းစာနာမှုလုပ်ငန်းတွေကို ပံ့ပိုးကူညီခြင်း”ခေါင်း စဉ်နဲ့ ဒေါ်ဇင်မာအောင် တောင်းဆိုခဲ့တာပါ။
အဲဒီထဲမှာ စစ်ကော်မရှင်မတရားဖမ်းဆီးထားတဲ့ ဒေါ်အောင်ဆန်းစုကြည်၊ နိုင်ငံတော်သမ္မတဦးဝင်းမြင့်နဲ့ ဖမ်းဆီးခံလွှတ်တော်ကိုယ်စားလှယ်တွေအပါအဝင် နိုင်ငံရေးအကျဉ်းသားအားလုံးကို လွတ်ပေးဖို့ နိုင်ငံတကာကိုတောင်းဆိုခဲ့ပါတယ်။
၂၀၂၁ ခုနှစ်၊ ဖေဖော်ဝါရီလ ၁ ရက်နေ့ မြန်မာနိုင်ငံမှာ အာဏာသိမ်းယူမှုဖြစ်ခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတဦးဝင်းမြင့်အပါအဝင် တခြားပါတီဝင်တွေကို စစ်တပ်က ဖမ်းဆီးခဲ့ပါတယ်။
ဒေါ်အောင်ဆန်းစုကြည်ဟာ စစ်တပ်အာဏာသိမ်းတဲ့ ၂၀၂၁ ခုနှစ်၊ ဖေဖော် ဝါရီလ ၁ ရက်နေ့ကတည်းက ဖမ်းဆီးခံထားရတာဖြစ်ပြီး အမှု ၁၉ မှု စွပ်စွဲခံခဲ့ရကာ ထောင်ဒဏ် ၃၃ နှစ်ချမှတ်ခံခဲ့ရပါတယ်။
အာဏာသိမ်းစစ်တပ်ဟာ အရပ်သားပြည်သူတွေကို နေ့စဥ်ရက်ဆက်ဖမ်းဆီးတာတွေ ပြုလုပ်နေပြီးရခိုင်လူမျိုးထောင်နဲ့ချီလည်း ဖမ်းဆီးခံထားကြရပါတယ်။
