Border News Agency
နေပြည်တော်၊ အောက်တိုဘာ ၂၉။
စစ်ကော်မရှင်ပြုလုပ်မယ့် ရွေးကောက်ပွဲအပိုင်း ၂ မှာ ရခိုင်မပါဝင်တာကို တွေ့ရပါတယ်။
စစ်ကော်မရှင်လက်အောက်ခံ ပြည်ထောင်စုရွေးကောက်ပွဲကော်မရှင်(UEC)ဟာ ရွေးကောက်ပွဲအပိုင်း ၂ ပြုလုပ်မယ့်မြို့နယ် ၁၀၀ စာရင်းကို အောက်တိုဘာလ ၂၈ ရက်၊ မနေ့က အသိပေးထုတ်ပြန်ပါတယ်။
အဲဒီအပိုင်း ၂ ကို လာမယ့်၂၀၂၆ ခုနှစ်၊ ဇန်နဝါရီလ ၁၁ ရက်နေ့မှာ ပြုလုပ်မယ်လို့ ဆိုပါတယ်။
အဲဒီအပိုင်း ၂ ကို ကချင်၊ ကယား၊ ကရင်၊ စစ်ကိုင်း၊ တနင်္သာရီတိုင်း၊ ပဲခူး၊ မကွေး၊ မန္တလေး၊ မွန်၊ ရန်ကုန်၊ ရှမ်း၊ ဧရာဝတီတိုင်းက မြို့နယ်တွေမှာ ပြုလုပ်မယ်လို့ ဆိုပါတယ်။
စစ်ကော်မရှင်ဟာ လာမယ့်ဒီဇင်ဘာလ၂၈ ရက်၊ မနေ့မှာ ရွေးကောက်ပွဲအပိုင်း ၁ ကို ၁၀၂ မြို့နယ်မှာ ပြုလုပ်မယ်လို့ထုတ်ပြန်ထားပါတယ်။
အဲဒီအထဲမှာ စစ်ကော်မရှင်တပ်ထိန်းချုပ်ထားတဲ့ စစ်တွေ၊ ကျောက်ဖြူ၊ မာန်အောင်သုံးမြို့နယ်အပါအဝင် အာရက္ခတပ်တော်(AA)ထိန်းချုပ်ထားတဲ့ အမ်း၊ ဂွ၊ သံတွဲ၊ တောင်ကုတ်စတဲ့လေးမြို့နယ်မှာလည်း ရွေးကောက်ပွဲပြုလုပ်မယ်လို့ထုတ်ပြန်ထားပါတယ်။
ဒါပေမယ့် ရွေးကောက်ပွဲအပိုင်း ၂ ပြု လုပ်မယ့်စာရင်းထဲမှာတော့ ရခိုင်ကတမြို့နယ်မှ မပါဝင်လာတော့ပါဘူး။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝမြို့နယ်အပါအဝင်တဆယ့်ငါးမြို့နယ်ကို သိမ်းပိုက်ထိန်းချုပ်ထားပါတယ်။
အာရက္ခတပ်တော်ထိန်းချုပ်မြို့နယ်တွေမှာ စစ်ကော်မရှင်ရွေးကောက်ပွဲကို ပြုလုပ်ခွင့်မပေးဘူးလို့ အာရက္ခတပ်တော်ကဆိုထားပါတယ်။
