Border News Agency
စစ်ကိုင်း၊အောက်တိုဘာ ၃၀။
စစ်ကိုင်းတိုင်း၊ ကသာမြို့နယ်မှာ စစ်ကော်မရှင်တပ်လေကြောင်းတိုက်ခိုက်လို့ ဆယ်နှစ်အရွယ်ကလေးငယ်အပါအဝင် ငါးဦးသေဆုံးပြီးခုနှစ်ဦးဒဏ်ရာရသွားတယ်လို့ ကသာမြို့နယ်ပြည်သူ့အုပ်ချုပ်ရေးအဖွဲ့က အောက်တိုဘာလ ၃၀ ရက်၊ ဒီနေ့ထုတ်ပြန်ပါတယ်။
အဲဒီကသာမြို့နယ်၊ ညောင်ခြေထောက်ကျေးရွာကို အောက်တိုဘာလ ၂၉ ရက်၊ မနေ့ည ၁၀ နာရီ ၂၅ မိနစ်အချိန်မှာ စစ်ကော်မရှင်တပ်လေကြာင်းတိုက်ခိုက်ခဲ့တယ်လို့ဆိုပါတယ်။
အဲဒီလိုလေကြောင်းတိုက်ခိုက်လို့အသ က်ခြောက်ဆယ်ကျော်အရွယ်အမျိုးသားတဦးနဲ့အမျိုးသမီးတဦး၊အသက်လေးဆယ်အရွယ်အမျိုးသမီးနှစ်ဦး၊အ သက်ဆယ်နှစ်အရွယ်ကလေးငယ်တဦးသေဆုံးခဲ့တယ်လို့ဆိုပါတယ်။
အဲဒီအပြင်ဒဏ်ရာရသူခုနှစ်ဦးထဲကအသက်ကိုးဆယ်အရွယ်အဖွားအိုတဦး ဒဏ်ရာပြင်းထန်တာမို့ အသက်အန္တရာယ်စိုးရိမ်ရတယ်လို့ ဆိုပါတယ်။
စစ်ကော်မရှင်တပ်ဟာ လေကြာင်းမှ ရွယ်ရည်ချက်ရှိရှိ သုံးကြိမ်တိတိတိုက် ခိုက်ခဲ့တာမို့ အရပ်သားတွေသေဆုံး၊ဒ ဏ်ရာရသွားခဲ့သလို နေအိမ်ဆယ့်လေးလုံး၊ဘုန်းကြီးကျောင်းဝန်းအတွင်းအပြင်၊ဓမ္မာရုံနဲ့ပရဟိတကားပျက်စီးခဲ့တယ်လို့ဆိုပါတယ်။
