Border News Agency
စစ်ကိုင်း၊ နိုဝင်ဘာ ၁၃။
စစ်ကိုင်းတိုင်း၊ ကန့်ဘလူနဲ့ခင်ဦးမြို့နယ်တိုက်ပွဲမှာ တပ်မ ၃၃ ဗျူဟာမှူးအလောင်းနဲ့ စစ်ကော်မရှင်တပ်ဖွဲ့ဝင် ဆယ့်ငါးဦးဖမ်းဆီးရမိခဲ့တယ်လို့ ပကဖအသံက နိုဝင်ဘာလ ၁၃ ရက်၊ ဒီနေ့ထုတ်ပြန်ပါတယ်။
အဲဒီကန့်ဘလူနယ်၊ ဝက်တိုးစခန်းမှ ခင်ဦးနယ်ဘက်ကိုထွက်လာတဲ့ တပ်မ ၃၃ လက်အောက်ခံ ခလရ ၁၁၁ နဲ့ ပျူတွေစုဖွဲ့အင်အားတရာကျော်ပါတဲ့ စစ်ကော် မရှင်စစ်ကြောင်းကို ကန့်ဘလူနယ်တောင်ခြမ်း ယင်းတိုက်ရွာတောင်ဘက်မှာ တိုက်ခိုက်ခဲ့တယ်လို့ ဆိုပါတယ်။
အဲဒီ စစ်ကော်မရှင်စစ်ကြောင်းကို နိုဝင်ဘာလ ၁၂ရက်၊ နေ့လည် ၁၁ နာရီ ၄၅ မိ နစ်အချိန်ခန့်ကတိုက်ခိုက်ခဲ့ပြီး စစ်ကော်မရှင်တပ်ဖွဲ့ဝင် ငါးဆယ်နီးပါးသေဆုံးခဲ့တယ်လို့ ဆိုပါတယ်။
အဲဒီတိုက်ပွဲမှာMA 1 နှစ်လက် ၊ MA 3 နှစ်လက် ၊ MA 4တလက်၊ G3 ခုနှစ်လက်၊ MA 6 တလက်၊ MA n တလက်၊ ကာဘိုင်ငါးလက်၊ စလေယာတလက်၊ လေးလက်ဒရုန်းတစီး၊ ဂျမ်းဘာအကြီးတလုံး၊ ပါဝါစတေရှင်တလုံး၊ လက်တော့ပ်တလုံး၊ 40သီးတလုံး၊ အီနာဂါသုံးလုံး သိမ်းဆည်းရမိခဲ့တယ်လို့ ဆိုပါတယ်။
အဲဒီတိုက်ပွဲအတွင်း ဒဏ်ရာရသူတွေကို စစ်ကူပေးဖို့အတွက် နမခတက်လာတဲ့ ဂျိူင်ရိုကော်ပတာသုံးစီးဟာ ခင်ဦး၊ ကန့်ဘလူနယ်စပ်မှာ လေကြောင်းတိုက်ခိုက်မှုနှစ်ကြိမ်ပြုလုပ်ခဲ့တယ်လို့လည်း ဆိုပါတယ်။
အဲဒီစစ်ကော်မရှင်စစ်ကြောင်းကို ကန့်ဘလူခရိုင်ပကဖ၊ ကာဘိုးတိုက်နယ်ပကဖ၊ ကျောက်တိုင်ပကဖ၊ ရေဦးမြို့နယ်လက်ရုံးပကဖ၊ ခင်ဦးပကဖတွေနဲ့ PDF တပ်ရင်းတွေ ပေါင်းတိုက်ခိုက်ခဲ့တယ်လို့ ဆိုပါတယ်။
