Border News Agency
ပေါက်မြို့၊ ဒီဇင်ဘာ ၂၅။
ပေါက်မြို့နယ်တိုက်ပွဲမှာ စစ်ကော်မရှင်တပ်ဖွဲ့ဝင် ဆယ့်နှစ်ဦးသေဆုံးပြီး သုံးဆယ့်ခုနှစ်ဦး ဒဏ်ရာရသွားခဲ့တယ်လို့ ကျောင်းသားလက်ရုံးတပ်တော် (SAF) ကဒီဇင်ဘာလ ၂၅ ရက်၊ ဒီနေ့ ထုတ်ပြန်ပါတယ်။
အဲဒီတိုက်ပွဲဟာ ဒီဇင်ဘာလ ၉ ရက်နေ့မှစပြီး ပေါက်မြို့နယ် ကပစ ၂၄ မှ ဇီးပြား၊ တရော်ကိုင်း စစ်တပ်စခန်းနဲ့ ပျူစောထီးရွာတွေသို့ ထွက်လာတဲ့ အင်အားနှစ်ရာ့တဆယ့်တဦးပါ စစ်ကော်မရှင်စစ်ကြောင်းနဲ့ ကျောင်းသားလက်ရုံးတပ်တော်၊ မဟာမိတ်ပူးပေါင်းတပ်တွေ တိုက်ပွဲဖြစ်ပွားခဲ့တယ်လို့ ဆိုပါတယ်။
အဲဒီတိုက်ပွဲတွေအတွင်း စစ်ကော်မရှင်တပ်ဖွဲ့ဝင် ဆယ့်နှစ်ဦးသေဆုံးခဲ့ပြီး သုံးဆယ့်ခုနှစ်ဦးခန့် ထိခိုက်ဒဏ်ရာရသွားခဲ့တယ်လို့ ဆိုပါတယ်။
အဲဒီအပြင် မဟာမိတ်ပူးပေါင်းတပ်တွေမှ ရဲဘော်နှစ်ကျဆုံးခဲ့ပြီး ရဲဘော်ငါးဦး ဒဏ်ရာရသွားခဲ့တယ်လို့ ဆိုပါတယ်။
အဲဒီ စစ်ကော်မရှင်တပ်စစ်ကြောင်းကို ကျောင်းသားလက်ရုံးတပ်တော် (SAF) နဲ့အတူ ပြည်သူ့တော်လှန်ရေးတပ်ဦး (PRF)၊ ပြည်သူ့ဒီမိုကရက်တစ်တပ်တော် (PDO / PDA)၊ နယ်စည်းမခြား ပြည်သူ့ကာကွယ်ရေးတပ်ဖွဲ့ (ပခုက္ကူ) (Borderless) ၊ မကွေးပြည်သူ့ကာကွယ်ရေးတပ်မတော် (MGY – PDF) ၊ Phoenix Guerrila Force (ဖီးနစ်ပြောက်ကျားတပ်ဖွဲ့)၊ ပေါက်၊ မြိုင် (ပကဖ)၊ BLY ပြည်သူ့ကာကွယ်ရေးတပ်ဖွဲ့တို့ ပူးပေါင်းတိုက်ခိုက်ခဲ့တယ်လို့ ဆိုပါတယ်။
