Border News Agency
မဲဆောက်၊ ဇန်နဝါရီ ၁၇ ။
ထိုင်း – မြန်မာနယ်စပ်၊ တာ့ခ်ခရိုင်၊ မဲဆောက်မြို့မှာ နှစ်ရက်အတွင်း မြန်မာနိုင်ငံသားနှစ်ဆယ်ကျော် ဖမ်းဆီးခံလိုက်ရပါတယ်။
သူတို့ကို ဇန်နဝါရီလ ၁၅ ရက်နေ့နဲ ၁၆ ရက်နေ့မှာ ဈေးဆိုင်တွေ၊ လုပ်ငန်းခွင်တွေအတွင်းထိုင်းအာဏာပိုင်တွေ ဝင်ရောက်ဖမ်းဆီးလိုက်တယ်လို့ တာ့ခ်ခရိုင်လူဝင်မှုကြီးကြပ်ရေးဌာန Tak Immigration မှ ဇန်နဝါရီလ ၁၇ ရက် ဒီနေ့ထုတ်ပြန်ပါတယ်။
အဲဒီထိုင်းနိုင်ငံမှာ မြန်မာနိုင်ငံသားတွေနဲ့ ထိုင်းနိုင်ငံသားတွေရန်ဖြစ်ကြပြီးနောက် ထိုင်းနိုင်ငံရှိ မြန်မာနိုင်ငံသားတွေကို ဝင်ရောက်ဖမ်းဆီးတာတွေပြုလုပ်နေတာပါ။
“မြန်မာလုပ်သားတချို့နဲ့ ဒေသခံထိုင်းလူမျိုးတွေကြား အငြင်းပွားခိုက်ရန်ဖြစ်ပြီးနောက် အခုလိုရှောင်တခွင်ကို တင်းကျပ်စွာဝင်ရောက် စစ်ဆေးနေတယ်။” လို့ မဲဆောက်မြို့နေမြန်မာနိုင်ငံသားတဦးက Border News Agency ကိုပြောပါတယ်။
မြန်မာလူမျိုးတချို့မှာ ဘတ်ရိုက်ထားတဲ့အထောက်ထားစာရွက်တွေဟာ အတုတွေဖြစ်နေတာမို့ အဖမ်းခံရသူတွေလည်းရှိနေကြတယ်လို့ ထိုင်းရောက်မြန်မာလူမျိုးတွေက ဆိုကြပါတယ်။
အဲဒီအထောက်အထားစာရွက်မှာပါတဲ့ QR code ကို သက်ဆိုင်ရာအာဏာပိုင်တွေက Screen ဖတ်လိုက်ရင် အစစ်ဟုတ်မဟုတ်ပေါ်ပါတယ်။
အဲဒီအပြင် ထိုင်းနိုင်ငံမှာ မြန်မာလူမျိုးတွေ လုပ်ပိုင်ခွင့်မရှိတဲ့အလုပ်အမျိုးစား နှစ်ဆယ့်ခုနှစ်မျိုးရှိပါတယ်။
အဲဒီ လမ်းဘေးဈေးရောင်းတာတွေအပါအဝင် တခြားဝန်ဆောင်မှုအလုပ်တွေကို ဝင်ရောက်လုပ်ကိုင်နေကြတာမို့ ထိုင်းလူမျိုးတွေ တိုင်ကြားကြလို့ စစ်ဆေးဖမ်းဆီးတာတွေပိုများနေတာပါ။
“ထိုင်းနိုင်ငံသား မဟုတ်တဲ့အတွက် ဒီနိုင်ငံရဲ့ ဥပဒေကို လိုက်နာရန်လိုအပ်ပြီး တားမြစ်ထားတဲ့အလုပ်အကိုင်တွေကို လုပ်ကိုင်ပါက ဖမ်းဆီးထိန်းသိမ်းရနိုင်ပြီး နေရပ်ပြန်ပို့ (Deportation) နဲ့ အမည်ပျက်စာရင်း (Blacklist) ပြုလုပ်သွားမယ်။”လို့ တာ့ခ်ခရိုင် လဝက အရာရှိတဦးက ပြောခဲ့ပါတယ်။
အဲဒီအပြင် ထိုင်းမှာနေထိုင်ခွင့်အထောက်အထား မပြည့်စုံတဲ့သူ၊ ဗီဇာသက်တမ်းကုန်ဆုံးနေသူတွေ နေထိုင်ခွင့်လက်မှတ်အပြင် (TM.30) တိုင်ကြားမှုမရှိတဲ့သူတွေနဲ့ အလုပ်သမားပါမစ်ကဒ်၊ အလုပ်ရှင်နာမည်နဲ့ကိုက်ညီမှု မရှိတဲ့သူတွေ လိုက်လံဖမ်းဆီးနေပါတယ်။
တာ့ခ်ခရိုင် လဝကနဲ့ရဲတပ်ဖွဲ့တွေက မဲဆောက်မြို့ပေါ်ရှိ ဈေး၊ ရပ်ကွက်တွေကို ကွင်းဆင်းစစ်ဆေးတွေ ပြုလုပ်နေပါတယ်။
အဲဒီလို့ ကွင်းဆင်းစစ်ဆေးနေတာမို့ မိမိတို့ကိုင်ဆောင်ထားတဲ့ အလုပ်သမားကတ်နဲ့ အလုပ်အကိုင်အမျိုးအစား ကိုက်ညီမှုရှိမရှိ ကို စစ်ဆေးရန် လိုပါတယ်။
လိုအပ်ပါက သက်ဆိုင်ရာလဝကရုံးတွေမှာ ဧည့်စာရင်း တိုင်တာမျိုး၊ နေရပ်လိပ်စာပြောင်းလိုပါက နှစ်ဆယ့်လေးနာရီအတွင်းတိုင်ကြားရန် သတိပေးထားပါတယ်။
