Border News Agency
နယ်သာလန်၊ ဇန်နဝါရီ ၃၀။
နယ်သာလန်နိုင်ငံ၊ သည်ဟိတ်မြို့ရှိ ICJ တရားရုံးမှာပြုလုပ်တဲ့ ဒုတိယအကျော့ကြားနာပွဲအတွင်း ဂမ်ဘီယာဘက်ကတင်သွင်းထားတဲ့ သက်သေသုံးဦးရဲ့ထွက်ဆိုချက်တွေဟာ ရှေ့နောက်မညီဘဲ အားနည်းချက်တွေရှိနေတယ်လို့ မြန်မာရှေ့နေ Mr. David Hooper ကချေပလိုက်ပါတယ်။
အဲဒီအထဲက ပထမသက်သေရဲ့ထွက်ဆိုချက်မှာ အမျိုးသမီးနဲ့ကလေးတွေကို ထိန်းသိမ်းထားတယ်လို့ဆိုပေမယ့် နောက်ပိုင်းမှာဘေးကင်းစွာလွတ်မြောက်ခဲ့တာ ဒုတိယသက်သေကတော့ မူရင်းထွက်ချက်နဲ့ တရားရုံးတွင်းထွက်ဆိုချက် ကွဲလွဲနေတာတွေကို ရှေ့နေကထောက်ပြခဲ့တာပါ။
အဲဒီအပြင် တတိယသက်သေရဲ့ထွက်ဆိုချက်မှာလည်း အရင်ကမမြင်ခဲ့ရဘူးလို့ ပြောခဲ့ပေမယ့် အခုမှမြင်တွေ့ခဲ့ရတယ်လို့ ပြောင်းလဲပြောဆိုနေတာကို တွေ့ရတယ်လို့ဆိုပါတယ်။
အဲဒီလို သက်သေတွေရဲ့ထွက်ဆိုချက် မညီညွတ်မှုတွေဟာ အမှုအပေါ်ယုံကြည်စိတ်ချရမှုကို အားနည်းစေတယ်လို့ မြန်မာဘက်က တင်ပြခဲ့ပါတယ်။
အဲဒီအပြင် သက်သေတွေအနေနဲ့ ARSA အဖွဲ့ရဲ့ ခြိမ်းခြောက်မှုတွေကြောင့် အမှန်အတိုင်းထွက်ဆိုဖို့ ကြောက်ရွံ့နေကြတာဖြစ်ပြီး ဂမ်ဘီယာဘက်ကလည်း ARSA ရဲ့ လက်နက်ကိုင်တိုက်ခိုက်မှုတွေကို ဖုံးကွယ်ထားတယ်လို့ မြန်မာရှေ့နေတွေက ထောက်ပြခဲ့ပါတယ်။
နောက်ပြီး အခြားတဖက်မှာလည်း ဂမ်ဘီယာဘက်က ဒီသက်သေတွေဟာ မြန်မာစစ်တပ်ရဲ့ ရက်စက်ကြမ်းကြုတ်မှုတွေကို ကိုယ်တိုင်ကြုံတွေ့ခဲ့ရသူတွေဖြစ်ပြီး ဒါဟာလူမျိုးတုန်းသတ်ဖြတ်မှုမြောက်တယ်ဆိုတာ ခိုင်မာတဲ့အထောက်အထားတွေ ရှိနေတယ်လို့တုံ့ပြန်ခဲ့တာဖြစ်ပါတယ်။
