Border News Agency
နေပြည်တော်၊ ဧပြီ ၂၁။
မြန်မာ၊ရုရှားနဲ့ တရုတ် သုံးနိုင်ငံ ပူးပေါင်းပြီး စွမ်းအင်လုံခြုံရေး ဆောင်ရွက်ဖို့နဲ့ မြန်မာနိုင်ငံအတွက် ရေနံနဲ့ ရေနံထွက်ပစ္စည်းတွေ ရေရှည်ရရှိရေး သဘောတူညီချက် လက်မှတ်ရေးထိုးခဲ့တယ်လို့ လျှပ်စစ်နဲ့စွမ်းအင်ဝန်ကြီးဌာနက ထုတ်ပြန်ပါတယ်။
အဲဒီ ပူးပေါင်းဆောင်ရွက်မှုတွေအတွက် လျှပ်စစ်နဲ့စွမ်းအင်ဝန်ကြီး ဦးကိုကိုလွင်ဟာ ဧပြီလ ၁၂ ရက်ကနေ ၁၉ ရက်အထိ ရုရှားနဲ့တရုတ်နိုင်ငံတွေကို သွားရောက်ခဲ့တာပါ။
အဲဒီ ခရီးစဉ်အတွင်း ရုရှားသမ္မတရဲ့ အကြံပေးပုဂ္ဂိုလ်၊ စွမ်းအင်ဝန်ကြီးနဲ့ တွေ့ဆုံပြီး နှစ်နိုင်ငံကြားလျှပ်စစ်နဲ့ စွမ်းအင်ကဏ္ဍ မြှင့်တင်ဖို့ ဆွေးနွေးခဲ့ကြတယ်လို့ ဆိုပါတယ်။
အဲဒီသဘောတူညီချက်အရ မြန်မာနိုင်ငံရဲ့ စွမ်းအင်လိုအပ်ချက်အတွက် ရုရှားနဲ့ တရုတ်နိုင်ငံတွေဆီကနေ ရေနံနဲ့ စွမ်းအင်ဆိုင်ရာ အကူအညီတွေ ရရှိလာဖို့ မျှော်မှန်းထားကြတယ်လို့လည်းဆိုပါတယ်။
