Border News Agency
အီရန်၊ဧပြီ ၂၃။
ဟော်မုဇ်ရေလက်ကြားအနီးမှာ အီရန်ကုန်တင်သင်္ဘော Touska ကို အမေရိကန်ရေတပ်က ပစ်ခတ်ဖမ်းဆီးလိုက်တာဟာ ပင်လယ်ဓားပြလုပ်ရပ်ဖြစ်တယ်လို့ အီရန်အစိုးရက ပြစ်တင်ရှုံ့ချလိုက်ပါတယ်။
အမေရိကန်ဘက်ကတော့ အီရန်သင်္ဘောဟာ သူတို့ပိတ်ဆို့ထားတဲ့ နယ်မြေကို ဖြတ်သန်းဖို့ ကြိုးစားခဲ့သလို သတိပေးချက်တွေကိုလည်း လျစ်လျူရှုခဲ့တာကြောင့် အခုလို ဖမ်းဆီးရတာလို့ တုံ့ပြန်ထားတာပါ။
ဒီဖြစ်စဉ်ကြောင့် အီရန်ဘက်ကလည်း လက်တုံ့ပြန်တဲ့အနေနဲ့ နိုင်ငံခြားကုန်တင်သင်္ဘော နှစ်စီးကို မနေ့ကပဲထပ်မံဖမ်းဆီးလိုက်ပြီး သူတို့ရဲ့ ကမ်းရိုးတန်းဘက်ကို ခေါ်ဆောင်သွားခဲ့ပါတယ်။
ဥပဒေပညာရှင်တွေကတော့ အမေရိကန်ရဲ့ လုပ်ရပ်ဟာ နိုင်ငံရေးအရ အငြင်းပွားစရာရှိပေမယ့် အစိုးရတပ်ဖွဲ့တွေရဲ့ဆောင်ရွက်ချက်ဖြစ်တာကြောင့် နိုင်ငံတကာဥပဒေအရ ပင်လယ်ဓားပြလုပ်ရပ်လို့ သတ်မှတ်ဖို့ ခက်ခဲတယ်လို့ ဆိုပါတယ်။
လက်ရှိမှာတော့ အမေရိကန်ရဲ့ ရေကြောင်းပိတ်ဆို့မှုတွေကြောင့် အီရန်နဲ့ အမေရိကန်ကြားက နှစ်ပတ်ကြာ အပစ်ရပ်ရေးသဘောတူညီချက်ဟာ ပျက်ပြားလုနီးပါး ဖြစ်နေပါတယ်။
