Border News Agency
အမေရိကန်၊ ဧပြီ ၂၃။
အီရန်ကိုပိတ်ဆို့ထားတဲ့ စစ်ဆင်ရေးအတွင်း သင်္ဘော ၂၉ စီးကို လှည့်ပြန်ခိုင်းတာ တွေလုပ်ဆောင်ခဲ့တယ်လို့ အမေရိကန်စစ်တပ်က ပြောပါတယ်။
ကုန်သွယ်ရေးသင်္ဘောတချို့ ပိတ်ဆို့မှုကို ကျော်ဖြတ်သွားနိုင်တယ်ဆိုတဲ့ သတင်းတွေဟာ မဟုတ်မှန်ကြောင်းနဲ့ Hero II၊ Hedy နဲ့ Dorena သင်္ဘောတွေဟာ လွတ်မြောက်သွားတာမျိုး မရှိဘူးလို့ ဆိုပါတယ်။
အီရန်အလံတင်ထားတဲ့ Hero II နဲ့ Hedy ဆီတင်သင်္ဘောတွေကို အမေရိကန်တပ်တွေက ကြားဖြတ်တားဆီးခဲ့ပြီး လက်ရှိမှာ အီရန်နိုင်ငံ၊ချာဘဟာ (Chah Bahar) ဆိပ်ကမ်းမှာပဲ ကျောက်ချရပ်နားထားရတယ်လို့ဆိုပါတယ်။
အဲဒီ ပိတ်ဆို့မှုကို ချိုးဖောက်ဖို့ ကြိုးစားခဲ့တဲ့ Dorena သင်္ဘောကိုလည်း အိန္ဒိယသမုဒ္ဒရာအတွင်းမှာ အမေရိကန်ရေတပ်က စောင့်ကြည့်ထိန်းသိမ်းထားတယ်လို့ ဆိုပါတယ်။
အမေရိကန်စစ်တပ်ဟာ အရှေ့အလယ်ပိုင်းနဲ့ အခြားဒေသတွေမှာ အီရန်ကို ပိတ်ဆို့ထားတဲ့ စစ်ဆင်ရေးကို အရှိန်မြှင့် လုပ်ဆောင်နေပါတယ်။
