Border News Agency
အမေရိကန်၊ ဧပြီ ၂၇။
အမေရိကန်သမ္မတဒေါ်နယ်ထရမ့်ဟာ ဝါရှင်တန်ဒီစီက သတင်းထောက်များအသင်း ညစာစားပွဲမှာ လုပ်ကြံဖို့ ကြိုးပမ်းခံရပြီးနောက် သူရင်ဆိုင်ခဲ့ရတဲ့ လုံခြုံရေးဆိုင်ရာ ဖြစ်စဉ်တွေကို အယ်လ်ဂျာဇီးယား သတင်းဌာနက စုစည်းဖော်ပြထားပါတယ်။
သမ္မတထရမ့်ဟာ ၂၀၂၄ ခုနှစ်၊ဇူလိုင်လက ပင်ဆယ်ဗေးနီးယားပြည်နယ် မဲဆွယ်ပွဲမှာ ပထမဆုံးအကြိမ် သေနတ်နဲ့ ပစ်ခတ်ခံခဲ့ရပြီး နားရွက်မှာ ဒဏ်ရာရရှိခဲ့ပါတယ်။
အဲဒီဖြစ်စဉ်မှာ သေနတ်သမား သောမတ်စ် မက်သရူးခရွတ်စ်ကို လုံခြုံရေးအဖွဲ့က အသေပစ်ခတ် ဖမ်းဆီးနိုင်ခဲ့ပါတယ်။
အဲဒီနောက် ၂၀၂၄ စက်တင်ဘာလမှာ ဖလော်ရီဒါပြည်နယ်ရှိ ဂေါက်ကွင်းမှာ ဒုတိယအကြိမ် လုပ်ကြံဖို့ ကြိုးပမ်းခံခဲ့ရပြန်ပါတယ်။
သံသယရှိသူ ရိုင်ယန် ဝက်စလေရောက်သ်ဟာ ချုံပုတ်ထဲကနေ သေနတ်နဲ့ ချိန်ရွယ်နေစဉ် လုံခြုံရေးအဖွဲ့က တွေ့ရှိဖမ်းဆီးခဲ့ပြီး သူ့ကို ထောင်ဒဏ်တသက် ချမှတ်ထားပြီး ဖြစ်ပါတယ်။
အဲဒီအပြင်၂၀၂၅ ခုနှစ် စက်တင်ဘာလမှာလည်း နယူးယောက်ရဲအရာရှိတဦးက လုံခြုံရေးအဖွဲ့ဝင်အဖြစ် ဟန်ဆောင်ပြီး သမ္မတအနီးကို ကပ်ဖို့ ကြိုးစားခဲ့ပါတယ်။
နောက်ပြီး ၂၀၂၆ ဖေဖော်ဝါရီလမှာတော့ သေနတ်ကိုင်ဆောင်ထားသူတဦးက သမ္မတရဲ့ မာရာလာဂို အပန်းဖြေစခန်းထဲကို ကားနဲ့ အတင်းဝင်ရောက်ဖို့ ကြိုးစားစဉ် ပစ်သတ်ခံခဲ့ရပါတယ်။
အခုနောက်ဆုံး ဝါရှင်တန်ဟီလ်တန်ဟိုတယ် ဖြစ်စဉ်ဟာ သမ္မတအတွက် စတုတ္ထအကြိမ်မြောက် လုပ်ကြံခံရမှုဖြစ်ပြီး လက်ရှိမှာ သေနတ်သမား ကိုးလ်တောမတ်စ်အလန်ကို ဖမ်းဆီးထားကာ စုံစမ်းစစ်ဆေးမှုတွေ ဆက်လက်လုပ်ဆောင်နေတယ်လို့ သိရပါတယ်။
