Border News Agency
မြစ်ကြီးနား၊ ဧပြီ ၂၇။
ဧရာဝတီမြစ်ဆုံ-မြစ်ညာမြစ်ဝှမ်းရေ အားလျှပ်စစ်စီမံကိန်းပြန်စဖို့အတွက် အာဏာသိမ်းစစ်တပ်ဟာ မြစ်ကြီးနားပြည်သူတွေကို တွေ့ဆုံစည်းရုံးနေပါတယ်။
အဲဒီတွေ့ဆုံစည်းရုံးရေး ၁၄ ကြိမ်မြောက်ကို ဧပြီလ ၂၅ ရက်နေ့က မြစ်ကြီးနားမြို့ မိုးလုံလေလုံ အားကစားခန်းမမှာလုပ်ခဲ့ပါတယ်။
အဲဒီတွေ့ဆုံပွဲကို ဘာသာရေးအဖွဲ့ဝင်တွေ၊သူနာပြုနဲ့ ပညာရေးကောလိပ် ကျောင်းသားတွေအပါအဝင် ဒေသခံ ၇၆၀ ကျော်ကို စည်းရုံးဆွေးနွေးခဲ့ကြပါတယ်။
အဲဒီဆွေးနွေးပွဲမှာ အနာဂတ်မျိုးဆက်သစ်တွေအတွက် လျှပ်စစ်စွမ်းအင် လုံလောက်စွာ ရရှိရေးဟာ အရေးကြီးကြောင်းနဲ့ ကမ္ဘာတဝှမ်းမှာ ရေအားလျှပ်စစ်ကို အောင်မြင်စွာ အသုံးချနေတဲ့ နိုင်ငံတွေရဲ့ ခေတ်မီနည်းပညာတွေကို နှိုင်းယှဉ်တင်ပြစည်းရုံးခဲ့ပါတယ်။
အဲဒီအပြင် ဒေသခံတွေ စိုးရိမ်နေကြတဲ့ သဘာဝပတ်ဝန်းကျင် ထိခိုက်မှုဆိုင်ရာကိစ္စရပ်တွေကိုလည်း သဘာဝပတ်ဝန်းကျင်ဆိုင်ရာသုံးသပ်ချက်တွေ၊ နည်းပညာဆိုင်ရာအချက်အလက်တွေကိုဆွေး နွေးခဲ့ကြပါတယ်။
အဲဒီမြစ်ဆုံစီမံကိန်းကို တရုတ်ကပြန်စချင်နေပြီးမြန်မာပြည်သူလူထုကန့်ကွက်နေကြပေမယ့် အာဏာသိမ်းစစ်တပ်က တရုတ်အတွက်အကောင်အထည် ဖော်ဖို့ပြင်ဆင်နေတာပါ။
