Border News Agency
ပဒါန်း၊ ဧပြီ ၃၀။
အာရက္ခတပ်တော်သိမ်းပိုက်ထိန်းချုပ်ထားတဲ့ ဂုတ်ကြီးစခန်းကို အာဏာသိမ်းစစ်တပ်ပြန်သိမ်းဖို့ကြိုးစားနေတာမို့ တိုက်ပွဲတွေ ပြင်းထန်နေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
အဲဒီဂုတ်ကြီးစခန်းကို အာဏာသိမ်းစစ်တပ်ကစစ်သည်အင်အားအများအပြားအသုံးပြုပြီးလေကြောင်းပစ်ကူတွေအများကြီးရယူပြန်တိုက်နေတယ်လို့ ဆိုကြပါတယ်။
အဲဒီအပြင် ဒရုန်းတွေ၊လက်နက်ကြီးပစ်ကူးတွေ အများအပြားအသုံးပြုပစ်ကူပေးနေတာမို့ နှစ်ဘက်ထိတွေ့တိုက်ပွဲတွေပြင်းထန်နေကြတယ်လို့ မြေပြင်စ စ်ရေးသတင်းရင်းမြစ်တွေက ဆိုကြပါတယ်။
“စစ်တပ်ကဒရုန်းတွေ၊ လက်နက်ကြီးတွေ၊တိုက်လေယာဥ်တွေအများကြီးသုံးပြီးပစ်ကူပေးနေပါတယ်။ စစ်ကူတွေလည်းမကြာခဏလာပါတယ်။ အရင်ကထက်စစ်ကူပစ်ကူအများကြီးသုံးပြီး အပြင်းအထန်ထိုးစစ်ဆင်နေတာပါ။ တိုက်ပွဲတအားပြင်းနေပါတယ်။”လို့ မြေပြင်သတင်းရင်းမြစ်တဦးက Border News Agency ကို ပြောပါတယ်။
အဲဒီဂုတ်ကြီးစခန်းကို ဧပြီလ ၂၅ ရက်နေ့ကစတင်ပြီးအာဏာသိမ်းစစ်တပ်ကပြန်လာတိုက်နေတာဖြစ်သလို စစ်ကူပစ်ကူအများအပြားအသုံးပြုကာအပြင်းထန်ဆုံးတိုက်ခိုက်နေတာလို့ ဆိုကြပါတယ်။
အဲဒီဂုတ်ကြီးစခန်းဟာ အာရက္ခ-မကွေးနယ်ခြားမှာတည်ရှိပြီးနတ်ရေကန်ဗျူ ဟာစစ်ကူလမ်းကြောင်းအတွက်အရေးပါတာမို့ အာဏာသိမ်းစစ်တပ်က အပြင်းအထန်ပြန်တိုက်နေတာလို့ ဆိုကြပါတယ်။
ဒါပေမယ့် အာရက္ခတပ်တော်ကလည်း အပြင်းထန်ဆုံးခုခံတိုက်ခိုက်နေတာမို့ အာဏာသိမ်းစစ်တပ်ကသေဆုံးဒဏ်ရာရသူတွေများနေပြီးစစ်ကူအင်အားတွေနေ့စဥ်လိုလိုဖြည့်တင်းနေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
“စစ်တပ်ကတော့တက်သေလိုဖြစ်နေပါတယ်။ သေဆုံးဒဏ်ရာရတာတွေများနေပါတယ်။ ဒါပေမယ့်စစ်ကားတွေနဲ့ နေ့စဥ်လိုလိုအင်အားထပ်ဖြည့်နေပါတယ်။ ဒီစခန်းကိုရအောင်ပြန်သိမ်းဖို့တိုက်နေသလိုပါ။”လို့ မြေပြင်သတင်းရင်းမြစ်တဦးက Border News Agency ကို ပြောပါတယ်။
အဲဒီဂုတ်ကြီးစခန်းကို ပြီးခဲ့တဲ့နှစ်၊ စက်တင်ဘာလ ၂၈ ရက်နေ့က အာရက္ခတပ်တော်ကသိမ်းပိုက်ထိန်းချုပ်ထားတာဖြစ်ပြီး စစ်ရေးဗျူဟာထောက်ပို့လမ်း ကြောင်းမှာအရေးပါတာမို့ အာဏာသိမ်းစစ်တပ်ကမဖြစ်မနေပြန်လိုချင်နေတာလို့ ဆိုကြပါတယ်။
အဲဒီဂုတ်ကြီးစခန်းဟာနတ်ရေကန်ဗျူဟာအတွက်အရေးပါတဲ့ကာကင်းဖြစ်သလို စစ်သည်လက်နက်ရိက္ခာတွေအတွက် ထောက်ပို့လမ်းကြောင်းလည်းဖြစ်တယ်လို့ ဆိုကြပါတယ်။
အာဏာသိမ်းစစ်တပ်ဟာစစ်သည်အင်အားတွေ အဆမတန်အသုံးပြုတိုက်ခိုက်လာသလို ဒရုန်တွေအပါအဝင် ပစ်ကူတွေလည်း အများကြီးအသုံးပြုတိုက်ခိုက်လာတာမို့ ထိတွေ့တိုက်ပွဲတွေအပြင်းထန်ဆုံးဖြစ်လာတယ်လို့ မြေပြင်သတင်းရင်းမြစ်တွေက ဆိုကြပါတယ်။
