Border News Agency
စစ်တွေ၊ဧပြီ ၂၉ ။
အာရက္ခတပ်တော်နဲ့ အာဏာသိမ်းစစ်တပ်ကြားစစ်ရေးတင်းမာနေတဲ့ စစ်တွေမြို့အနီးပတ်ဝန်းကျင်နေရာတွေကို ဧပြီလ ၂၉ ရက်၊ ဒီနေ့နေ့လည်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတ ယ်။
အဲဒီစစ်တွေမြို့နယ်အပါအဝင် ရသေ့တောင်မြို့နယ်၊ ပုဏ္ဏားကျွန်းမြို့နယ်၊ ပေါက်တောမြို့နယ်ကို ဧပြီလ ၂၉ ရက်၊ ဒီနေ့ညနေသုံးနာရီကျော်အချိန်က တိုက်လေယာဥ်သုံးစီးနဲ့လေကြောင်းတိုက်ခိုက်ခဲ့တာပါ။
အဲဒီနေရာတွေဟာ အာရက္ချပ်တော်ထိန်းချုပ်နေရာယူထားတာဖြစ်ပြီး အာဏာသိမ်းစစ်တပ်က အာရက္ခတပ်တော်ကို ပစ်မှတ်ထားတိုက်ခိုက်တာဖြစ်နိုင်တယ်လို့ စစ်တွေမြို့ခံတွေက ဆိုကြပါတယ်။
“ဝါဘို၊ ကွန်းတောင်၊ မစဲကမ်း၊ ဒါးကိုင်းဖက်ကိုဗုံးကြဲခဲ့တာပါ။ တိုက်လေယာဥ်သုံးစီးပါ။ အေအေတွေရှိတယ်ထင်လို့လာပစ်တာထင်ပါတယ်။ လေယာဥ်တွေလာပြီးဗုံးကြဲတာကိုပဲသိရပါတယ်။”လို့ စစ်တွေမြို့ခံတဦးက Border News Agency ကို ပြောပါတယ်။
အဲဒီစစ်တွေမြို့နယ်၊ ဝါဘိုကျေးရွာ၊ ပုဏ္ဏားကျွန်းမြို့နယ်၊ ကွမ်းတောင်ကျေးရွာ၊ ရသေ့တောင်မြို့နယ်၊ မိုးစဲကျွန်း၊ ပေါက်တောမြို့နယ်၊ဒါး ကိုင်ကျေးရွာအနီးတောင်တန်းကို တိုက်လေယာဥ်သုံးစီးနဲ့ လေကြောင်းတိုက်ခိုက်ခဲ့တာပါ။
အဲဒီကျေးရွာတွေက အရပ်သားပြည်သူတွေစစ်ဘေးရှောင်ထွက်ပြေးသွားကြပြီမို့ အရပ်သားသေဆုံးဒဏ်ရာရတာတွေမသိရဘူးလို့ မြေပြင်သတင်းရင်းမြစ်တွေက ဆိုကြပါတယ်။
အဲဒီနေရာတွေဟာ နှစ်ဘက်စစ်ရေးတင်းမာနေကြတာဖြစ်သလို နှစ်ဘက်အပြန်အလှန်ပစ်ခတ်နေကြတဲ့နေရာတွေမို့ အာဏာသိမ်းစစ်တပ်ကလေကြောင်းပစ်ကူပေးပြီးလက်ဦးမှုယူနေတာဖြစ်နိုင်တယ်လို့ စစ်ရေးစောင့်ကြည့်လေ့လာနေကြသူတွေက သုံးသပ်ပြောဆိုကြပါတယ်။
“စစ်တွေကိုလာတိုင်မယ်ဆိုရင် ဝါဘို၊ကွ မ်းတောင်၊မစဲကမ်းကအနီးဆုံးနေရာတွေပါ။ အဲဒါကြောင့် စစ်တပ်က လေကြောင်းတိုက်ခိုက်နေတာလို့မြင်ပါတယ်။ စစ်တွေကိုလာတိုက်လို့မရအောင်လက်ဦးမှုယူနေတာပါ။ ကြိုတင်ရှင်းလင်းနေတာလို့မြင်ပါတယ်။ အေအေကလည်းစစ်တွေကို သိမ်းမယ်ပြောထားတော့…။”လို့ စစ်ရေးစောင့်ကြည့်လေ့ လာနေသူတဦးက Border News Agency ကို ပြောပါတယ်။
အဲဒီစစ်တွေမြို့ကိုသိမ်းယူဖို့ အာရက္ခတပ်တော်ထိုးစစ်ဆင်တိုက်ခိုက်နေတာမို့ အာဏာသိမ်းစစ်တပ်ကလေကြောင်းတိုက်ခိုက်တာတွေမကြာခဏပြုလုပ်နေပါတယ်။
အဲဒီစစ်တွေမြို့အပါအဝင် လက်ကျန်မြို့နယ်တွေကို လာမယ့်နှစ်မှာအပြီးသတ်သိမ်းပိုက်မယ်လို့ အာရက္ခတပ်တော်တပ်မှူးချုပ်ဗိုလ်ချုပ်ထွန်းမြတ်နိုင်ပြောထားပါတယ်။
အဲဒါကြောင့် အာဏာသိမ်းစစ်တပ်ဟာ စစ်တွေမြို့နယ်ရှိ အာရက္ခတပ်တော်ထိန်းချုပ်နေရာတွေအပါအဝင် ရသေ့တောင်၊ ပုဏ္ဏားကျွန်း၊ ပေါက်တောစတဲ့မြို့နယ်တွေကိုလည်း လေကြောင်းတိုက်ခိုက်တာတွေ မကြာခဏပြုလုပ်နေပါတယ်။
အဲဒီစစ်တွေမြို့နယ်ကို အာရက္ခတပ်တော်ထိုးစစ်ဆင်တိုက်ခိုက်နေသလိုစစ်တွေမြို့အနီးပတ်ဝန်းကျင်မြို့နယ်အားလုံးကို အာရက္ခတပ်တော်သိမ်းပိုက်ထိန်းချုပ်ထားပါတယ်။
