Border News Agency
အမေရိကန်၊ မေ ၄။
မော်ရိုကိုနိုင်ငံမှာပြုလုပ်နေတဲ့ “African Lion”ပူးတွဲစစ်ရေးလေ့ကျင့်မှုအတွင်း ပါဝင်နေတဲ့အမေရိကန်စစ်သည်နှစ်ဦး မေလ ၃ ရက်၊မနေ့ကပျောက်ဆုံးသွားတယ်လို့ အမေရိကန် အာဖရိကစစ်ဌာနချုပ် (AFRICOM) က ထုတ်ပြန်လိုက်ပါတယ်။
အဲဒီစစ်သည်နှစ်ဦးဟာ မော်ရိုကိုတောင်ပိုင်း၊ တန်တန်မြို့အနီးက လေ့ကျင့်ရေးကွင်းတခုမှာ ပျောက်ဆုံးသွားတာဖြစ်ပြီး သူတို့ဟာ ကမ်းပါးယံတခုအနီးမှာ ပျောက်ဆုံးသွားတာလို့ မော်ရိုကိုစစ်တပ်ဘက်က ဆိုပါတယ်။
အဲဒီပျောက်ဆုံးနေသူတွေကို ရှာဖွေဖို့အတွက် အမေရိကန်နဲ့ မော်ရိုကို လုံခြုံရေးတပ်ဖွဲ့တွေ ပူးပေါင်းပြီး ကုန်းကြောင်း၊ရေကြောင်းနဲ့ လေကြောင်းတွေကနေ အရှိန်အဟုန်မြှင့် ရှာဖွေကယ်ဆယ်ရေးတွေ လုပ်ဆောင်နေပါတယ်။
ဒီစစ်ရေးလေ့ကျင့်မှုဟာ အမေရိကန်၊ နေတိုးမဟာမိတ်တွေနဲ့ အာဖရိကနိုင်ငံတွေကြား စစ်ရေးစွမ်းရည်မြှင့်တင်ဖို့ နှစ်စဉ်ပြုလုပ်တာဖြစ်ပြီး အခုနှစ်မှာတော့ နိုင်ငံပေါင်း ၄၀ ကျော်က စစ်သည် ၅,၀၀၀ ခန့် ပါဝင်နေတာပါ။
အခုဖြစ်စဉ်နဲ့ပတ်သက်ပြီး သက်ဆိုင်ရာအာဏာပိုင်တွေက အသေးစိတ်စုံစမ်းစစ်ဆေးမှုတွေ လုပ်ဆောင်နေပြီး ပျောက်ဆုံးနေတဲ့ စစ်သည်တွေကို အမြန်ဆုံးပြန်တွေ့ဖို့အတွက် ကြိုးပမ်းနေကြပါတယ်။
