Border News Agency
မင်းတပ်၊ မေ ၅။
ချင်းပြည်၊ မင်းတပ်မြို့နယ်နဲ့မကွေးတိုင်း၊ ယောနယ်က ကျေးရွာတွေကို မေလ ၅ ရက်၊ ဒီနေ့ နေ့လည်က အာဏာသိမ်းစစ်တပ်လေကြောင်းတိုက်ခိုက်ခဲ့ပါတယ်။
အဲဒီကျေးရွာတွေကို ဒီနေ့ နေ့လည်တနာရီကျော်အချိန်ကစပြီး တိုက်လေယာဉ် ငါးစီးနဲ့လာရောက်တိုက်ခိုက်ခဲ့တာဖြစ်ပြီး နေ့လည်နှစ်နာရီခွဲကျော်ထိကိုးကြိမ်ထက်မနည်း လေကြောင်းတိုက်ခိုက်မှုတွေ ဆက်တိုက်ပြုလုပ်ခဲ့ပါတယ်။
အဲဒီအပြင်ဒုံးကျည်တွေနဲ့ ပစ်ခတ်တာ၊ အတွဲလိုက်ဒုံးတွေနဲ့လည်း တိုက်ခိုက်ခဲ့တယ်လို့ဆိုပါတယ်။
မင်းတပ်နဲ့ယောနယ်ကျေးရွာတွေကို အာဏာသိမ်းစစ်တပ်ကရွယ်ရည်ချက်ရှိရှိပစ်မှတ်ထားတိုက်ခိုက်ခဲ့တာပါ။
အဲဒီလေကြောင်းတိုက်ခိုက်မှုတွေပြင်းထန်နေတာမို့ လေကြောင်းအန္တရာယ် သတိပေးချက်တွေ ထုတ်ပြန်ထားပါတယ်။
ဒေသခံပြည်သူတွေဟာ လေယာဉ်သံကြားတာနဲ့ ဗုံးခိုကျင်းတွေထဲကို အမြန်ဆုံးခိုလှုံကြဖို့နဲ့ လူစုလူဝေးရှိတဲ့နေရာတွေကို ရှောင်ရှားကြဖို့လည်း တိုက် တွန်းထားပါတယ်။
အဲဒီလေကြောင်းအန္တရာယ်ဟာဆက်ရှိနေသေးတာမို့ နယ်စပ်တလျှောက်ပြည်သူတွေဟာ အထူးသတိထား နေထိုင်ကြဖို့ မြေပြင်သတင်းတွေကိုစောင့်ကြည့်ကြဖို့ သတိပေးထားပါတယ်။
