Border News Agency
လယ်ဒို၊ မေ ၅။
ပဲခူးတိုင်း၊ လယ်ဒိုမြို့နယ်မှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားတဦးဒဏ်ရာရသွားခဲ့တယ်လို့ ကရင်အမျိုးသားအစည်းအရုံးမှ မေလ ၅ရက်၊ ဒီနေ့ထုတ်ပြန်ပါတယ်။
အဲဒီလယ်ဒိုမြို့နယ်ကို မေလ၂ ရက်နဲ့ ၃ ရက်နေ့က အာဏာသိမ်းစစ်တပ်မှ ဒရုန်း၊တိုက်လေယာဥ်၊၁၂၀ မမ လက်နက်ကြီးနဲ့ အကြိမ် ၂၀ ထိတိုက်ခိုက်ခဲ့တာလို့ ဆိုပါတယ်။
အဲဒီလိုတိုက်ခိုက်ခဲ့တာကြောင့် အရပ်သားတဦးဒဏ်ရာရသွားခဲ့ပြီး လူနေအိမ်သုံးနဲ့ ဘုန်းကြီးကျောင်တကျောင်းပျက်စီးခဲ့တယ်လို့ ဆိုပါတယ်။
အဲဒီအပြင်ကြိတ်ကွင်းကျေးရွာကို အာဏာသိမ်းစစ်တပ် ခလရ-၂၆၄ တပ်ရင်းမှ ၁၂၀မမ လက်နက်ကြီး နှစ်လုံးပစ်ခတ်တိုက်ခိုက်ခဲ့လို့ စောလှဖိုး၊စောညိုဦးနဲ့ စောဘိုတင်မြင့်တို့ရဲ့ နေအိမ်သုံးလုံးပျက်စီးခဲ့တာလို့ ဆိုပါတယ်။
အာဏာသိမ်းစစ်တပ်မှ ထီးဒေါ်လေးနေရာကို မေလ ၃ ရက်နေ့ကလည်း လေကြောင်းတိုက်ခိုက်လို့ တောလိုက်ထွက်နေတဲ့ တုံးတံတားရွာသား အသက်ငါးဆယ်ခြောက်နှစ်အရွယ် စောလှဝင်းဒဏ်ရာရသွားခဲ့တယ်လို့ ဆိုပါတယ်။
အဲဒီအပြင် တောင်ခင်ကျေးရွာထဲကို ဒရုန်းနဲ့ ထပ်မံပစ်ခတ်တိုက်ခိုက်ခဲ့တာကြောင့် တောင်ခင်ကျေးရွာဘုန်းကြီးကျောင်း အနည်းငယ်ပျက်စီးခဲ့တယ်လို့ ဆိုပါတယ်။
