Border News Agency
တနင်္သာရီ၊ မေ ၆။
တနင်္သာရီမြို့နယ်မှာအာဏာသိမ်းစစ်တပ်ကားမိုင်းဆွဲခံရပြီး တိုက်ပွဲတွေဖြစ်ပွားခဲ့တယ်လို့ မြိတ်ခရိုင်အမှတ် ၂ တပ်ရင်းမှ မေလ ၅ရက်၊ မနေ့က ထုတ်ပြန်ပါတယ်။
အဲဒွတနင်္သာရီမြို့နယ်၊ငါးမိုင်ရွာအနီးမှာ မေလ ၃ရက်၊ မနက် ၁၀နာရီခွဲအချိန်ခန့်က ဗောဓိကမ်းတံတားဘက်မှ ခမရ-၅၆၁ကို ဦးတည်သွားတဲ့ကားသုံးစီးကို တော်လှန်ရေးပူးပေါင်းတပ်ဖွဲ့မှ မိုင်းဆွဲတိုက်ခိုက်ခဲ့တယ်လို့ ဆိုပါတယ်။
အဲဒီခြောက်မိုင်ရွာအနီးမှာ မနက် ၁၁ နာရီအချိန်ခန့်က အာဏာသိမ်းစစ်တပ်နဲ့ တော်လှန်ရေးပူးပေါင်းတပ်ဖွဲ့တို့ကြား နှစ်ဖက်ထိတွေ့တိုက်ပွဲဖြစ်ပွားခဲ့ပြီး စစ်တပ်ဘက်မှထိခိုက်တာတွေရှိခဲ့တယ်လို့ ဆိုပါတယ်။
အဲဒီအပြင် ဘန်လောလမ်းဆုံမီးလောင်ကုန်းအနီးမှာ မြိတ်ခရိုင်တပ်ရင်း ၂ ခွဲ ၁၊ ရင်း ၃ ခွဲ ၁၊ မြိတ်မြို့နယ် ပကဖ နဲ့ပူးပေါင်းတပ်ဖွဲ့တွေဟာ အာဏာသိမ်းစစ်တပ်နဲ့ ထပ်မံထိတွေ့တိုက်ပွဲဖြစ်ပွားခဲ့လို့ စစ်တပ်ဘက်မှသုံးဦးဒဏ်ရာရသွားခဲ့တယ်လို့ ဆိုပါတယ်။
တိုက်ပွဲပြီးနောက် ညနေ ၅ နာရီအချိန်ခန့်မှာ တော်လှန်ရေးတို့ပူးပေါင်းတပ်ဖွဲ့တွေ အောင်မြင်စွာပြန်လည်ဆုတ်ခွာနိုင်ခဲ့တယ်လို့ ဆိုပါတယ်။
အဲဒီတနင်္သာရီမြို့နယ်အတွင်း တိုက်ပွဲတွေနေ့စဉ်ဆက်လက်ဖြစ်ပွားနေတာကြောင့် ပြည်သူတွေအနေနဲ့ တိုက်ပွဲဖြစ်ပွားရာ နေရာတွေနဲ့ အနီးဝန်းကျင်ကို သွားလာတာတွေမပြုကြဖို့ တိုက်တွန်းထားပါတယ်။
