Border News Agency
အမေရိကန်၊မေ ၁၆။
အမေရိကန်သမ္မတဒေါ်နယ်ထရန့်က တရုတ်နိုင်ငံအနေနဲ့ ဘိုးအင်းလေယာဉ် အစင်း ၂၀၀ ဝယ်ယူဖို့ သဘောတူညီခဲ့ပြီး နောင်မှာ အစင်းရေ ၇၅၀ အထိ တိုးမြှင့်ဝယ်ယူဖို့ ရှိနေတယ်လို့ ထုတ်ဖော်ပြောကြားလိုက်ပါတယ်။
ဒါ့အပြင် အိမ်ဖြူတော်အတွင်း သူတည်ဆောက်နေတဲ့ ကခုန်ပွဲခန်းမဟာလည်း ၂၀၂၈ ခုနှစ်၊စက်တင်ဘာလဝန်းကျင်မှာ ဖွင့်လှစ်နိုင်မှာဖြစ်ပြီး ဒါဟာအမေရိကန်မှာ အကောင်းဆုံး အဆောက်အအုံဖြစ်လာမယ်လို့ ဆိုပါတယ်။
အဲဒီခန်းမ တည်ဆောက်ရေးဟာ သတ်မှတ်ချိန်ထက် စောပြီး ပြီးစီးနိုင်ခြေရှိနေတယ်လို့ ထရန့်က ပြောဆိုခဲ့ပြီး သူ့ရဲ့ အိမ်ဖြူတော် အဆင့်မြှင့်တင်ရေး စီမံကိန်းတွေအပေါ် အားရကျေနပ်နေတာပါ။
တဖက်မှာလည်း အီရန်နိုင်ငံခြားရေးဝန်ကြီး အဘတ်စ်အာရတ်ချီက လက်ရှိ ဟောမုဇ်ရေလက်ကြား အခြေအနေဟာ တော်တော်လေး ရှုပ်ထွေးနေတယ်လို့ ဝန်ခံပြောဆိုခဲ့ပါတယ်။
အီရန်အနေနဲ့ ဒီဗျူဟာမြောက် ရေလမ်းကြောင်းပေါ်က တင်းမာမှုတွေကို လျှော့ချနိုင်ဖို့အတွက် ကြိုးစားကူညီပေးနေတယ်လို့ အာရတ်ချီက Al Jazeera သတင်းဌာနကို ပြောကြားခဲ့ပါတယ်။
