Border News Agency
ဘင်္ဂလားဒေ့ရှ်၊မေ ၂၂။
မြန်မာနိုင်ငံနဲ့ဘင်္ဂလားဒေ့ရှ်နိုင်ငံမှာ ကျူးလွန်ခဲ့တဲ့ နိုင်ငံတကာရာဇဝတ်မှုတွေအတွက် အာရကန်ရိုဟင်ဂျာကယ် တင်ရေးတပ်မတော် (ARSA)အဖွဲ့ခေါင်းဆောင် အာတာအူလာကို ဖမ်းဝရမ်းထုတ်ပေးဖို့ Fortify Rights က နိုင်ငံတကာရာဇဝတ်တရားရုံး (ICC) ကို တောင်းဆိုလိုက်ကြပါတယ်။
အာဆာခေါင်းဆောင်အာတာအူလာကို ၂၀၂၅ ခုနှစ်မတ်လက ဘင်္ဂလားဒေ့ရှ်အာဏာပိုင်တွေဖမ်းဆီးထိန်းသိမ်းထားတာပါ။
ဒါပေမယ့်သူကျူးလွန်ခဲ့တဲ့ကြီးလေးတဲ့ရာဇဝတ်မှုတွေအတွက် ထိရောက်တဲ့ အရေးယူမှုမရှိသေးဘဲ ပြန်လွတ်သွားမှာကို စိုးရိမ်ရတဲ့အတွက် တောင်းဆိုရတာလို့ ဆိုပါတယ်။
အာတာအူလာဦးဆောင်တဲ့ အာဆာအဖွဲ့ဟာ ရိုဟင်ဂျာအရပ်သားတွေနဲ့လူ့အခွ င့်အရေးလှုပ်ရှားသူတွေကို သတ်ဖြတ်တာ၊ညှဉ်းပန်းနှိပ်စက်တာနဲ့ ပြန်ပေးဆွဲတာအပြင် လူသားမျိုးနွယ်အပေါ် ကျူး လွန်တဲ့ ရာဇဝတ်မှုတွေကိုပါ ကျူးလွန်ခဲ့တယ်လို့ ဆိုပါတယ်။
အဲဒီအပြင် တရားမျှတမှုဖော်ဆောင်ဖို့ ပျက်ကွက်မယ်ဆိုရင် ရာဇဝတ်မှုကျူး လွန်သူတွေကို ပိုပြီးရဲတင်းလာစေမှာဖြစ်သလိုအကြမ်းဖက်မှုသံသရာကိုပိုနက်ရှိုင်းစေပြီး နစ်နာသူတွေရဲ့ တရားမျှတမှုရပိုင်ခွင့်ကို ငြင်းပယ်ရာရောက်လိမ့်မယ်လို့ Fortify Rights က သတိပေးထားပါတယ်။
