Border News Agency
မီဇိုရမ်၊ဇွန် ၁၅။
မီဇိုရမ်ပြည်နယ်၊အိုင်ဇောလ်ခရိုင်၊ ဆဲလင်း ဒေသမှာ အာသံရိုင်ဖယ်တပ်ဖွဲ့နဲ့အိုင်ဇောလ်ရဲတပ်ဖွဲ့တို့ ပူးပေါင်းဆောင်ရွက်တဲ့ စစ်ဆင်ရေးတခုအတွင်း ဖောက်ခွဲရေးပစ္စည်း (IED) တခုကို သိမ်းဆည်းရမိခဲ့ပြီး လူတဦးကိုလည်း ဖမ်းဆီးရမိခဲ့ပါတယ်။
အဲဒီ စစ်ဆင်ရေးကို ဇွန်လ ၁၀ ရက်နေ့က နယ်မြေလုံခြုံရေး တင်းကျပ်ဖို့နဲ့ တရားမဝင် ပစ္စည်းတွေသယ်ဆောင်တာကို တားဆီးဖို့အတွက် မော်တော်ယာဉ်တွေကို စစ်ဆေးတဲ့အချိန်မှာ လုပ်ဆောင်ခဲ့တာဖြစ်တယ်လို့ တာဝန်ရှိသူတွေဆိုကြပါတယ်။
စစ်ဆေးမှုအတွင်း ယင်းနင်းကူး (Yening Ku) ဆိုသူကို ဖောက်ခွဲရေးဗုံးတလုံးနဲ့အတူ ဖမ်းဆီးရမိခဲ့တာဖြစ်ပြီး အဲဒီဗုံးအပြင်အင်တင်နာအစိတ်အပိုင်းတခုနဲ့ ယူနီဖောင်းအဝတ်အစားတွေကိုပါ သိမ်းဆည်းရမိခဲ့တယ်လို့ဆိုတယ်။
အဲဒီဖမ်းဆီးရမိသူနဲ့ သိမ်းဆည်းရမိတဲ့ ပစ္စည်းတွေကိုနောက်ထပ် စုံစမ်းစစ်ဆေးမှုတွေပြုလုပ်နိုင်ဖို့အတွက် အိုင်ဇောလ်ရဲတပ်ဖွဲ့ဆီ လွှဲပြောင်းထားတယ်လို့ဆိုပါတယ်။
အခုလို လုပ်ဆောင်တာဟာ ပြည်နယ်အတွင်း ငြိမ်းချမ်းရေးနဲ့ လုံခြုံရေးကိုထိန်းသိမ်းဖို့ လုံခြုံရေးတပ်ဖွဲ့ဝင်တွေအမြဲမပြတ် နိုးကြားမှုရှိနေတာကို ပြသတာဖြစ်ပြီး သိမ်းဆည်းရမိတဲ့ ဗုံးရဲ့အရင်းအမြစ်နဲ့ရည်ရွယ်ချက်ကို ဆက်လက်စုံစမ်းနေတယ်လို့ ဆိုပါတယ်။
