Border News Agency
တရုတ်၊ ဇွန် ၁၅။
အာဏာသိမ်းစစ်ခေါင်းဆောင် မင်းအောင်လှိုင်က တရုတ်သမ္မတရှီကျင့်ဖျင်ရဲ့ ဖိတ်ကြားချက်အရ တရုတ်နိုင်ငံကိုဇွန်လ ၁၅ ရက်ကနေ ၁၉ ရက်အထိ နိုင်ငံတော်ခရီးစဉ်အဖြစ်သွားရောက်လိုက်ပြီလို့ ထုတ်ပြန်ပါတယ်။
တရုတ်နိုင်ငံခြားရေးဝန်ကြီးဌာနရဲ့ ထုတ်ပြန်ချက်အရ ဒါဟာသူတို့နှစ်နိုင်ငံကြား အရေးကြီးတဲ့မဟာဗျူဟာမြောက် ခရီးစဉ်တခုဖြစ်တယ်လို့ ဆိုပါတယ်။
မင်းအောင်လှိုင်ဟာ သမ္မတအဖြစ်တာဝန်ယူပြီးနောက်မှာ ပထမဆုံးအနေနဲ့တရုတ်ကိုပဲသွားမယ်လို့ သတင်းတွေထွက်ခဲ့ပေမယ့် လက်တွေ့မှာတော့ ဇွန်လအစပိုင်းက အိန္ဒိယကိုအရင်သွားရောက်ခဲ့တာပါ။
အခုတရုတ်ခရီးစဉ်မှာတော့ စီးပွားရေးဆိုင်ရာကိစ္စရပ်တွေအပြင် နှစ်နိုင်ငံလုံခြုံရေးကိစ္စတွေကို အဓိကထားပြီး ဆွေးနွေးသွားဖို့ရှိနေပါတယ်။
အထူးသဖြင့် အာရက္ခဒေသမှာ တရုတ်နိုင်ငံရဲ့ ရင်းနှီးမြှုပ်နှံမှုတွေအများကြီးရှိနေတာကြောင့် ဒီခရီးစဉ်ကို နိုင်ငံတကာကလည်း စိတ်ဝင်တစားစောင့်ကြည့်နေကြတာပါ။
အဲဒီခရီးစဉ်ရဲ့ အသေးစိတ်အချက်အလက်တွေကို တရားဝင်ထုတ်ပြန်ထားတာမျိုးမရှိသေးပေမယ့် အသွင်ပြောင်းအစိုးရရဲ့ အဓိကမဟာဗျူဟာမြောက် ခရီးစဉ်တခုအနေနဲ့ အလေးထားသတ်မှတ်ထားကြပါတယ်။
သမ္မတတု မင်းအောင်လှိုင်အနေနဲ့ ၂၀၂၅ ခုနှစ်၊ ဩဂုတ်လကလည်း တရုတ်နိုင်ငံကိုသွားရောက်ခဲ့ပြီး တရုတ်သမ္မတရှီကျင့်ဖျင်အပါအဝင် အဆင့်မြင့်ပုဂ္ဂိုလ်တွေနဲ့ တွေ့ဆုံဆွေးနွေးမှုတွေလုပ်ခဲ့ဖူးပါတယ်။
အခုခရီးစဉ်ကတော့ လက်ရှိဖြစ်ပေါ်နေတဲ့ အခြေအနေတွေအရ ဘယ်လိုဆွေးနွေးမှုတွေ ထွက်ပေါ်လာမလဲဆိုတာက စိတ်ဝင်စားစရာဖြစ်နေပါတယ်။
