Border News Agency
တရုတ်၊ ဇွန် ၁၈။
အာဏာသိမ်းစစ်ခေါင်းဆောင်မင်းအောင်လှိုင်ကို “H.E. U Min Aung Hlaing, President of the Republic of the Union of Myanmar” လို့နိုင်ငံတော်သမ္မတအဖြစ် တရားဝင်သုံးပြီး ဇွန်လ ၁၈ ရက်နေ့က တရုတ်-မြန်မာ ပူးတွဲထုတ်ပြန်ချက်မှာဖော်ပြထားပါတယ်။
တရုတ်သမ္မတရှီကျင့်ဖျင်ရဲ့ ဖိတ်ကြားချက်နဲ့ တရုတ်နိုင်ငံကိုရောက်နေတဲ့ အာဏာသိမ်းစစ်ခေါင်းဆောင် မင်းအောင်လှိုင်ခရီးစဉ်မှာ တရားဝင်အသိအမှတ်ပြုလိုက်တာပါ။
၂၀၂၁ ခုနှစ်အာဏာသိမ်းပြီးနောက် တရုတ်ကအာဏာသိမ်းစစ်တပ်ခေါင်းဆောင်ကို အတိအလင်းရပ်တည်ပြလိုက်တာဖြစ်ပါတယ်။
အဲဒီအပြင် အာဆီယံအပါအဝင်နိုင်ငံတကာက အသိအမှတ်မပြုထားတဲ့ အာဏာသိမ်းစစ်စစ်တပ်ကို ၂၀၂၅-၂၀၂၆ ရွေးကောက်ပွဲလုပ်ငန်းစဉ်တွေကိုလည်း တရုတ်ကြိုဆိုတယ်လို့ ပူးတွဲထုတ်ပြန်ချက်မှာ ထည့်သွင်းထားပါတယ်။
သံတမန်လောကမှာ “H.E.” (အဆွေတော်) ဆိုတဲ့ စကားလုံးက နိုင်ငံ့ခေါင်းဆောင်တွေကိုသာ သုံးနှုန်းလေ့ရှိတာမို့ အခုလိုတရားဝင်ခေါ်ဆိုလိုက်တာက တရုတ်နဲ့ အာဏာသိမ်းစစ်တပ်ကြားဆက်ဆံရေးကို တရုတ်ဘယ်လောက်ထိ အလေးပေးထားလဲဆိုတာကို ပြသနေတာပါ။
အဲဒီလုပ်ရပ်ဟာ အာဏာသိမ်းစစ်တပ်အတွက်တော့ သံတမန်ရေးအရ အားသာချက်ဖြစ်လာနိုင်ပေမယ့် တော်လှန်ရေးအင်အားစုတွေရဲ့ နိုင်ငံတကာ အသိအမှတ်ပြုမှု ရယူရေးလှုပ်ရှားမှုတွေကိုတော့ တိုက်ရိုက်ဆန့်ကျင်လိုက်သလို ဖြစ်နေပါတယ်။
