Border News Agency
ပုဏ္ဏားကျွန်း၊ ဇွန် ၁၈။
အာရက္ခတပ်တော်(AA)ထိန်းချုပ်ထားတဲ့ ပုဏ္ဏားကျွန်းမြို့နယ်မှာ ဇွန်လ ၈ ရ က်နေ့မှ ၁၄ ရက်နေ့ထိ တပတ်အတွင်း ကြိုးဆွဲချသေဆုံးမှုသုံးကြိမ်ဖြစ်ခဲ့ပါတယ်။
အဲဒီပုဏ္ဏာကျွန်းမြို့နယ်၊ ကျောက်ဆိပ်ရွာမှာ ဇွန်လ ၈ ရက်နေ့က အသက်လေးဆယ်ခြောက်နှစ်အရွယ် ဦးစံလှမောင်ဟာသူ့နေအိမ်မှာ ပုဆိုးကိုကြိုးသဖွယ်အသုံးပြုအဆုံးစီရင်သွားခဲ့ပါတယ်။
အဲဒီအပြင် ဇွန်လ ၁၁ ရက်နေ့မှာလည်း ဆင်သည်ရွာက အသက်နှစ်ဆယ်တနှစ်အရွယ် မဝင်းမြတ်ဦးဟာကြိုးဆွဲချသေဆုံးခဲ့ပါတယ်။
နောက်ပြီး ဂဏန်းတောင်ဘူတာစစ်ဘေးရှောင်စခန်းက အသက်လေးဆယ်ခုနှစ်အရွယ်ဦးမြင့်သန်းမောင်ဟာ ဇွန် လ ၁၄ ရက်နေ့မှာ ကြိုးဆွဲချသေဆုံးသွားပါတယ်။
စစ်တပ်ကအာဏာသိမ်းပြီးနောက် အရပ်သားပြည်သူတွေဟာ အကျပ်အတည်းပေါင်းစုံကို ကြုံတွေ့ခံစားနေကြရသလို ကိုယ်စိတ်နှစ်ပါးကုစားမှုတွေလည်း
လိုအပ်နေကြတယ်လို့ ဆိုကြပါတယ်။
