Border News Agency
မြောက်ဦး၊ဇူလိုင် ၉။
အာရက္ခတပ်တော်(AA)ထိန်းချုပ်ထားတဲ့မြောက်ဦးမြို့မှာ မိုးသည်းထန်စွာ ရက်ဆက်ရွာသွန်းနေတာကြောင့် ရပ်ကွက်တချို့ရေဝင်ပြီး တောင်မြေပြိုကျမှုတွေဖြစ်ပေါ်နေပါတယ်။
အဲဒီဆင်ချဆိပ်၊အောင်တပ်နဲ့မြို့သစ် ရပ်ကွက်ထဲကို ဇူလိုင်လ ၇ ရက်နေ့ကစပြီး ရေတွေတက်လာလို့ ဒေသခံတွေ အခက်အခဲဖြစ်နေရပါတယ်။
အဲဒီအပြင် ဇူလိုင်လ ၆ ရက်နေ့ကလည်းအောင်တပ်ရပ်ကွက်၊စည်ကားတောင်မှာ မြေပြိုကျမှုဖြစ်ခဲ့ပါတယ်။
အဲဒီပျက်စီးသွားတဲ့ဆိုင်ခန်းတွေကို အာရက္ခပြည်သူ့တော်လှန်ရေးအစိုးရရဲ့ စည်ပင်ဌာနကရှင်းလင်းပေးခဲ့ပေမယ့် ရေက ဆက်တက်နေတာကြောင့် စိုးရိမ်စရာဖြစ်နေပါတယ်။
မိုးဆက်လက်သည်းထန်နေတာကြောင့် မြို့နယ်အတွင်းက လယ်ယာစိုက်ပျိုးမြေတွေ ပျက်စီးသွားမှာကို တောင်သူတွေစိုးရိမ်နေကြပါတယ်။
ရေကြီးတဲ့ဒဏ်ကြောင့် ပြည်သူတွေရဲ့ နေအိမ်နဲ့ စီးပွားရေးလုပ်ငန်းတွေမှာလည်း ထိခိုက်မှုတွေ ရှိနေပါတယ်။
မြောက်ဦးမြို့အပါအဝင်တခြားမြို့တွေလည်းရေကြီးရေလျှံဖြစ်နေတာကြောင့် ရေဘေးသင့်သူတွေအတွက် အကူအ ညီတွေလိုနေပြီး အထူးသတိထားနေ ထိုင်ကြဖို့လည်း ဒေသခံတွေကို တိုက်တွန်းထားပါတယ်။
