Border News Agency
ကော့ဘဇား၊ သြဂုတ် ၁။
မောင်တောကိုတရားမဝင်တင်ပို့မယ့် DAP ဓာတ်မြေဩဇာအိတ်လေးရာ့ငါးဆယ်နဲ့အတူ လူနှစ်ဆယ့်သုံးဦးကို ပင်လယ်ပြင်မှာ ဖမ်းမိခဲ့တယ်လို့ ဘင်္ဂလားဒေ့ရှ်ကမ်းခြေစောင့်တပ်ဖွဲ့က သြဂုတ်လ ၁ ရက်၊ ဒီနေ့ထုတ်ပြန်ပါတယ်။
အဲဒီကမ်းခြေစောင့်တပ်ဖွဲ့ဟာ ဇူလိုင်လ ၃၁ ရက်နေ့က သံသယဖြစ်ဖွယ်ငါးဖမ်းလှေနှစ်စီးကိုစစ်ဆေးစဉ် မှောင်ခိုကူးသူနှစ်ဆယ့်သုံးဦးကို ဖမ်းမိခဲ့တာပါ။
အဲဒီနောက်ကာနဖူလီရေကြောင်းလိုင်းမှာ ကုန်တင်လှေတစီးကိုထပ်ရှာချိန် တန်ဖိုးဘင်္ဂလားဒေ့ရှ်တာကာဆယ့်ငါးသိန်းခုနှစ်သောင်းကျော်တန်ကြေးရှိ ဓာတ်မြေဩဇာကီလိုနှစ်သောင်းကျော်ကို သိမ်းမိပါတယ်။
အဲဒီလှေပေါ်ပါသူတချို့ထွက်ပြေးလွတ်မြောက်သွားပေမယ့် အသုံးပြုတဲ့ ကုန်တင်လှေကို သိမ်းမိခဲ့ပါတယ်။
အဲဒီဖမ်းမိသူတွေနဲ့သိမ်းမိသက်သေခံပ စ္စည်းတွေကို ဥပဒေအရ ဆက်အရေးယူနိုင်ဖို့ ပတ္တငါးရဲစခန်းကိုလွှဲပေးဖို့ စီစဉ်ထားပါတယ်။
