Border News Agency
မလေးရှား၊ သြဂုတ် ၆။
မလေးရှားရောက်ရိုဟင်ဂျာဒုက္ခသည်ငါးထောင်ကို မြန်မာနိုင်ငံဆီပြန်ပို့ဖို့စီစဉ်ထားပေမယ့် ပြန်ပို့ခံရသူတွေရဲ့ အသက်အန္တရာယ် ဒါမှမဟုတ် ဖိနှိပ်ညှဉ်းပန်းခံရမယ့် အန္တရာယ်ရှိရင်ဆက်လုပ်မှာမဟုတ်ဘူးလို့ မလေးရှားအစိုးရပြောပါတယ်။
မလေးရှားအစိုးရပြောရေးဆိုခွင့်ရှိသူ Fahmi Fadzilက ပြန်ပို့ဖို့အတွက် အရည်အချင်းကိုက်ညီသူတွေကိုစိစစ်နေပြီး နိုင်ငံခြားရေးနဲ့ ပြည်ထဲရေးဝန်ကြီးဌာန ပေါင်းသုံးသပ်နေတယ်လို့ဆိုပါတယ်။
အဲဒီမလေးရှားဒေသခံတွေနဲ့ ရိုဟင်ဂျာဒုက္ခသည်တွေကြားတင်းမာမှုတွေကြောင့် ကျောင်းတချို့ပိတ်ထားရသလို ဒုက္ခသည်တချို့လည်း နေအိမ်တွေကဖယ်ရှားခံခဲ့ရတာပါ။
မြန်မာနိုင်ငံမှာ ဖိနှိပ်ညှဉ်းပန်းမှုတွေ ဆက်ရင်ဆိုင်ရနိုင်တာကြောင့် ပြန်ပို့ရေးကိုပြန်ရုပ်သိမ်းဖို့ မလေးရှားအစိုးရကို လူ့အခွင့်အရေးစောင့်ကြည့်ရေးအဖွဲ့ (HRW)တိုက်တွန်းထားပါတယ်။
အဲဒီဒုက္ခသည်တွေကို အာဏာသိမ်းစစ်တပ်လက်ခံဖို့အသင့်ရှိတယ်လို့ မလေးရှားအစိုးရဆိုပေမယ့် ဘေးကင်းလုံခြုံရေးနဲ့စံသတ်မှတ်ချက်တွေကို အသေးစိတ်စိစစ်ပြီးဆုံးဖြတ်သွားမယ်လို့ဆိုပါတယ်။
