Border News Agency
ရေကြည်၊သြဂုတ် ၁၄။
အာရက္ခတပ်တော်(AA)ထိန်းချုပ်နယ်မြေတွေကို အာဏာသိမ်းစစ်တပ်ထိုးဖောက်ဝင်ရောက်နိုင်ဖို့ကြိုးစားနေတယ်လို့ သြဂုတ်လ ၁၃ ရက်နေ့က အာရက္ခတပ်တော်ထုတ်ပြန်ပါတယ်။
အဲဒီအာရက္ခ-ဧရာဝတီ၊ အာရက္ခ-မကွေး၊ အာရက္ခ-ပဲခူး၊ အာရက္ခ-ချင်းအစပ်နေရာတွေမှာ ပုံစံမျိုးစုံ၊နည်းလမ်းမျိုးစုံနဲ့အကြိမ်ကြိမ် ထိုးစစ်ဆင်တိုက်ခိုက်နေတာ တနှစ်ကျော်နှစ်နှစ်နီးပါးခန့်ရှိပြီလို့ အာရက္ခတပ်တော်ကဆိုပါတယ်။
အဲဒီအထဲမှာ အာရက္ခ-ဧရာဝတီအစပ်နေရာတွေမှာ ဒီရက်ပိုင်းတိုက်ပွဲတွေဆက်ပြင်းထန်နေခဲ့တယ်လို့ ထုတ်ပြန်ပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝင်တဆယ့်ငါးမြို့နယ်ကို အပြီးသတ်သိမ်းပိုက်ထိန်းချုပ်ထားပြီး ကျန်မြို့နယ်တွေကို ထိုးစစ်ဆင်တိုက်ခိုက်နေပါတယ်။
အဲဒီအစပ်နေရာတွေရှိ မြို့နယ်တွေကို ၂၀၂၄ ခုနှစ်၊ဒီဇင်ဘာလက အာရက္ခတပ်တော်အပြီးသတ်တိုက်ခိုက်သိမ်းပိုက်ထိန်းချုပ်ထားပြီး ရှေ့တိုးထိုးစစ်ဆင်သိမ်းယူနေတာဖြစ်ပါတယ်။
အဲဒီနေရာတွေအပါအဝင် အာရက္ခတပ်တော်ထိန်းချုပ်နယ်မြေတွေကို အာဏာသိမ်းစစ်တပ်ကကြည်းရေလေပူးပေါင်းထိုးစစ်ဆင်တိုက်ခိုက်ပြီး ပြန်ဝင်ဖို့ကြိုးစားနေပေမယ့် ခြေကုတ်မရဘဲတပ်လန်နေတာဖြစ်ပါတယ်။
အဲဒီအပြင် ရေတပ်စစ်သင်္ဘောကြီးတွေကိုအားသာချက်ယူပြီး ကမ်းတက်စစ်ဆင်ရေးတွေပြုလုပ်ခြေကုတ်ယူဖို့ကြိုးစားခဲ့ပေမယ့် အာရက္ခတပ်တော်ပစ်ခတ်တိုက်ခိုက်တာတွေကိုခံရပြီး တပ်လန်နောက်ဆုတ်သွားပါတယ်။
