Border News Agency
စစ်တွေ၊ ဇူလိုင် ၂၆။
စစ်တွေမြို့နယ်မှာ စစ်ကောင်စီတပ်စစ်ရေးလှုပ်ရှားမှုတွေ ဆက်တိုက်ပြုလုပ်နေပြီး ဒရုန်းအပါအဝင် စစ်လက်နက်ဖြည့်တင်းတာတွေပြုလုပ်နေတယ်လို့စစ်တွေမြို့ခံတွေက ဆိုကြပါတယ်။
အဲဒီအပြင် အရပ်သားပြည်သူတွေကို စစ်ဆေးမှုတင်းကြပ်တာတွေလည်း လုပ်နေတယ်လို့ စစ်တွေမြို့ခံတွေက ဆိုကြပါတယ်။
စစ်တွေအခြေစိုက်စစ်ကောင်စီတပ်ရင်းတွေက မြို့အနီးတဝိုက်ကျေးရွာတွေ၊ပုဏ္ဏားကျွန်းနဲ့ပေါက်တောစတဲ့မြို့နယ်ရှိ ကျေးရွာတွေကို လက်နက်ကြီး၊ဒရုန်းတွေ ပစ်ခတ်နေတာ တပတ်ကျော်နေပြီလို့ ဆိုကြပါတယ်။
“တပ်ပြောင်းတာတွေ၊လက်နက်ဖြည့်တာတွေ လုပ်နေတယ်။ပစ်တာကတော့ နေ့တိုင်းလိုလိုပဲ။တပတ်ကျော်ရှိပြီ။ မနေ့ညကလည်း ပစ်သံကြားလိုက်သေးတယ်။” လို့ စစ်တွေမြို့ပေါ်မှအမျိုးသားတဦးက ပြောပါတယ်။
အာရက္ခတပ်တော်လာရောက်တိုက်ခိုက်နိုင်တဲ့နေရာတွေကို စစ်ကောင်စီတပ်က အင်အားတိုးထားပြီး ခံစစ်တွေ အခိုင် အမာပြင်ဆင်ထားတယ်လို့ ဆိုကြပါတယ်။
အဲဒီအပြင် စစ်ကောင်စီတပ်ဟာ မြို့အစွန်ဆုံးဘက်တွေမှာရှိတဲ့ ပါဒလိတ်တပ်ရင်းတွေနဲ့ ရွှေမင်းဂံရေတပ်စခန်းအနီး ဝန်းကျင်ကျေးရွာတွေမှာရှိတဲ့ စစ်စခန်းတွေဆီလည်း အင်အားတိုးချဖြည့်တင်းတာတွေ လုပ်နေတယ်လို့ စစ်တွေ မြို့ထဲနေထိုင်သူတွေက ပြောကြပါတယ်။
“မြို့စွန်ကနေ ကြိုကာတဲ့သဘောထင်ပါတယ်။ ကာကင်းတွေမှာ အင်အားဖြည့်တာပေ့ါ။ ဟိုရက်ကဆိုရင် ကျေးတောတို့၊ ရွှေပြည်သာဘက်တို့ကို အင်အားဖြည့်ပါတယ်။” လို့ စစ်တွေမြို့မှာ နေထိုင်သူနောက်တစ်ဦးက ပြောပါတယ်။
အဲဒီအပြင် စစ်တွေမြို့သို့ ပုံမှန်ပြေးဆွဲနေတဲ့ ကုန်သင်္ဘောတွေမှာလည်း စစ်လက်နက်တွေ၊ဒရုန်းတွေ၊ရိက္ခာတွေ ပါ လာပြီး တပ်ရင်းတွေဆီ ပုံမှန်ဖြည့်တင်းမှုတွေ လုပ်နေကြောင်း နီးစပ်သူတွေက ပြောကြပါတယ်။
စစ်တွေမြို့တွင်းနဲ့ စစ်တွေမြို့သို့ လေ ကြောင်းမှလာကြတဲ့ ခရီးသည်တွေကိုလည်း ပိုမိုတင်းကြပ်တဲ့ စစ်ဆေးမှုတွေ လုပ်နေတယ် လို့ မြို့ခံတွေက ပြောကြပါတယ်။
“လေဆိပ်မှာ အစစ်အဆေးတအားကြမ်းလာပါတယ်။မနေ့ကဆို ကောင်လေးတယောက်ကို သုံနာရီလောက်ကြာ အောင် စစ်ပါတယ်။စစ်တပ်အကြီးပိုင်းက လူသစ်တွေလည်း ရောက်နေပါတ ယ်။စစ်တွေကို။မြို့ထဲမှာကတော့ ALP က စစ်ပါတယ်။” လို့ စစ်တွေမြို့မှအ မျိုးသမီးငယ်တဦးက ပြောပါတယ်။
စစ်တွေမြို့အနီးပတ်လည်ရှိကျေးရွာအားလုံးမှပြည်သူတွေကို စစ်ကောင်စီတပ်က အတင်းအဓမ္မနေရပ်စွန့်ခွာစေပြီး လူသားဒိုင်းကာအဖြစ်ပိတ်လောင်ထားပါတယ်။
အဲဒီကျေးရွာတွေမှာ စစ်ကောင်စီတပ်က စစ်စခန်းတွေ အခိုင်အမာတည် ဆောက်ပြီး ခံစစ်ပြင်ထားတာဖြစ်ပါတယ်။
“အေအေက တိုက်တော့မယ်။ တိုက်လာရင် အဆင်သင့်ဖြစ်အောင် လုပ်တဲ့သဘောထင်ရတယ်။” လို့ ရခိုင်စစ်ရေးလေ့လာသူတဦးက ပြောပါတယ်။
စစ်တွေမြို့နယ်မှာ နှစ်ဘက်တိုက်ပွဲမရှိသေးပေမယ့် နှစ်ဘက်စစ်ရေးတင်းမာနေကြတယ်လို့ ဆိုကြပါတယ်။
အဲဒီစစ်တွေအခြေစိုက်၊ ဒေသကွပ်ကွဲမှုစစ်ဌာနချုပ်၊အမှတ် ၂၀ ခြေလျင်တပ်ရင်း၊ အမှတ် ၂၃၂ခြေလျင်တပ်ရင်း၊အ မှတ် ၂၇၀ခြေလျင်တပ်ရင်း၊အမှတ် ၃၄ ၄ ခြေမြန်တပ်ရင်း၊အမှတ် ၃၅၄ ခြေမြ န်တပ်ရင်း၊အမှတ် ၃၇၃ အမြောက်တပ်ရင်းတည်ရှိပါတယ်။
အဲဒီအပြင်အမှတ် ၉၀၈ စစ်မြေပြင်အ င်ဂျင်နီယာတပ်ရင်း၊အမှတ် ၈၁၈ ဆက်သွယ်ရေးတပ်ရင်း၊အမှတ် ၈၂၈ ထော က်ပို့နဲ့ပို့ဆောင်ရေးတပ်ရင်း၊အမှတ် ၈ စစ်မြေပြင်ဆေးတပ်ရင်း၊အမှတ် ၉ လျှ ပ်စစ်နဲ့စက်မှုအင်ဂျင်နီယာတပ်ရင်း၊အ မှတ် ၈ တိုက်ပွဲဝင်စည်းရုံးရေးသင်တန်းကျောင်း၊အမှတ် ၈၆၈ တပ်ထိန်းတပ်ခွဲ၊အမှတ် ၄ ဆက်သွယ်ရေးအလုပ်ရုံ၊အ မှတ် ၉၆၂ ဆောက်လုပ်ရေးအင်ဂျင်နီ ယာတပ်ခွဲ၊အမှတ် ၄၃၄ စစ်လက်နက်တပ်ခွဲ၊အမှတ် ၁၀ ပညာရေးကျောင်းတည်ရှိပါတယ်။
နောက်ပြီး အမှတ် ၁၇ တပ်မတော်ကုတင် ၁၀၀ ဆေးရုံ၊အမှတ် ၂ စစ်ဖက်ရေးရာလုံခြုံရေးတပ်စု၊အမှတ် ၁၂ ရဲတပ်ရင်း၊အမှတ် ၃၆ ရဲတပ်ရင်းတည်ရှိသလို ရေတပ်အခြေစိုက်စခန်းလည်း တည်ရှိပါတယ်။
အဲဒီတပ်ရင်းအားလုံးအပါအဝင်ရေတ ပ်တွေမှာလည်းအင်အားတိုးပြီး ခံစစ်အ ခိုင်အမာပြင်ဆင်ထားကြပေမယ့် မွတ်ဆလင်ထောင်ပေါင်းများစွာကို စစ်သင် တန်းပေးလက်နက်တပ်ဆင်အင်အားဖြည့်ထားသလို နောက်ဆုံးအချိန်ထိအ သေခံတိုက်ကြဖို့အမိန့်ထုတ်ထားတယ်လို့လည်း စစ်ကောင်စီတပ်ဖွဲ့ဝင်တွေက ဆိုကြပါတယ်။
